ഷാര്‍ജ: ഇന്ത്യയിലെ ഏറ്റവും ജനപ്രിയനായ എഴുത്തുകാരനും പ്രചോദക പ്രഭാഷകനുമായ ചേതന്‍ ഭഗത് വൈകീട്ട് 7.15 മുതല്‍ 8.15 വരെ കോണ്‍ഫ്രന്‍സ് ഹാളില്‍ നടക്കുന്ന 'ചേതന്‍ ഭഗത്തുമൊത്ത് ഒരു സായാഹ്നം 'എന്ന പരിപാടിയില്‍  പങ്കെടുക്കും.

തന്റെ ഏറ്റവും പുതിയ പുസ്തകമായ 'ഇലവന്‍ റൂള്‍സ് ഫോര്‍ ലൈഫ് ' എന്ന കൃതിയെ ആധാരമാക്കി കഥകളും കാഴ്ചപ്പാടുകളും അദ്ദേഹം പങ്കുവെക്കും. 

നടിയും എഴുത്തുകാരിയുമായ ഹുമ .'ഫ്രം സ്‌ക്രീന്‍ ടു പേജ്  ഹുമ ഖുറേഷിക്കൊപ്പം ഒരു സായാഹ്നം' എന്ന പരിപാടിയില്‍ അഭിനയത്തില്‍ നിന്ന് എഴുത്തിലേക്കുള്ള പരിവര്‍ത്തനത്തെക്കുറിച്ച് സംസാരിക്കും.രാത്രി 8.30 മുതല്‍ 9.30 വരെ ബുക്ക് ഫോറം ഒന്നിലാണ് പരിപാടി. 

അവതാരകയും നടിയും എഴുത്തുകാരിയുമായ അശ്വതി ശ്രീകാന്ത് ' റേഡിയോ വീചികളില്‍ നിന്ന് ലിഖിതാക്ഷരത്തിലേക്ക്അശ്വതി ശ്രീകാന്തുമൊത്ത് ഒരു വൈകുന്നേരം' എന്ന പരിപാടിയില്‍ പങ്കെടുക്കും.

വൈകീട്ട് 6 മുതല്‍ 7 വരെ കോണ്‍ഫ്രന്‍സ് ഹാളിലാണ് പരിപാടി. 

വൈകീട്ട് 4 മുതല്‍ 6 വരെ കോണ്‍ഫ്രന്‍സ് ഹാളില്‍ നടക്കുന്ന പരിപടിയില്‍ 'സാമ്പത്തിക നവീകരണവും സമഗ്ര വളര്‍ച്ചയും' എന്ന വിഷയത്തെക്കുറിച്ച്  തമിഴ് നാട്ടിലെ ഐ ടി, ഡിജിറ്റല്‍ സേവന വകുപ്പ് മന്ത്രി ഡോ.പളനിവേല്‍ ത്യാഗരാജന്‍  സംസാരിക്കും.'

രാത്രി 8.30 മുതല്‍ 9. 30 വരെ കോണ്‍ഫ്രന്‍സ് ഹാളില്‍ 'മിത്തും ആധുനികതയും: ഇന്ത്യന്‍ ഇതിഹാസങ്ങളുടെ പുനരാഖ്യാനം ബി ജയമോഹനുമൊത്ത് ഒരന്വേഷണ യാത്ര' എന്ന പരിപാടിയില്‍  തമിഴ്മലയാള എഴുത്തുകാരന്‍ ബി ജയമോഹന്‍ പങ്കെടുക്കും.

ഇന്ത്യന്‍ ഇതിഹാസങ്ങളെക്കുറിച്ചും സംസ്‌കാരത്തെയും കുറിച്ചുള്ള കാഴ്ചപ്പാടുകള്‍ അദ്ദേഹം പങ്കുവെക്കും.

Sharjah International Book Festival venue sunday schedule