കോഴിക്കോട്: സമസ്ത ഇസ്‌ലാമിക കലാമേളയുടെ മേഖലാ മത്സരങ്ങള്‍ക്ക് ഇന്നു തുടക്കം. കോഴിക്കോട്, മാവൂര്‍, താമരശ്ശേരി എന്നീ മൂന്ന് മേഖലകളിലാണ് ഇന്നു മത്സരം നടക്കുക.
ഓരോ മേഖലയിലും പത്തുവീതം റെയ്ഞ്ചുകളില്‍ നിന്നായി 535 കലാപ്രതിഭകള്‍ 65 വിഷയങ്ങളില്‍ മാറ്റുരക്കും. മേഖലാ മത്സരങ്ങളില്‍ വിജയിക്കുന്ന പ്രതിഭകള്‍ക്ക് ഫെബ്രുവരി 2, 3 തിയതികളില്‍ മുക്കം ദാറു സ്വലാഹില്‍ നടക്കുന്ന ജില്ലാ കലാമേളയില്‍ മത്സരിക്കാം.
കോഴിക്കോട് മേഖലാ കലാമേള അരീക്കാട് അന്‍വാറുല്‍ ഇസ്‌ലാം മദ്‌റസയില്‍ രാവിലെ 8.30ന് നടക്കും. എസ്.കെ.ജെ.എം ജില്ലാ ജനറല്‍ സെക്രട്ടറി പി. ഹസൈനാര്‍ ഫൈസി ഉദ്ഘാടനം ചെയ്യും. മുസ്തഫ ഫൈസി അധ്യക്ഷനാകും. വൈകിട്ട് 5.30ന് സമാപന സംഗമത്തില്‍ മേഖലാ പ്രസിഡന്റ് സൈനുല്‍ ആബിദീന്‍ തങ്ങള്‍ അധ്യക്ഷനാകും. എസ്.കെ.ജെ.എം.സി.സി മാനേജര്‍ എം.എ ചേളാരി ട്രോഫി വിതരണം ചെയ്യും. മാവൂര്‍ മേഖലാ കലാമേള മണാശ്ശേരി മുസ്‌ലിം ഓര്‍ഫനേജ് കാംപസില്‍ നടക്കും. മുസ്തഫ മുണ്ടുപാറ ഉദ്ഘാടനം ചെയ്യും. മേഖലാ പ്രസിഡന്റ് പി.കെ സാജിദ് ഫൈസി അധ്യക്ഷനാകും. വൈകിട്ട് നടക്കുന്ന സമാപന സംഗമത്തില്‍ റഷീദ് ഫൈസി വെള്ളായിക്കോട് അധ്യക്ഷനാകും. സമസ്ത മാനേജര്‍ കെ. മോയിന്‍കുട്ടി മാസ്റ്റര്‍ ട്രോഫി വിതരണം ചെയ്യും.
താമരശ്ശേരി മേഖലാ കലാമേള കുട്ടമ്പൂര്‍ വീര്യമ്പ്രം ദാറുല്‍ ഹിദായ കാംപസില്‍ രാവിലെ 8.30ന് കെ.കെ ഇബ്രാഹിം മുസ്‌ലിയാര്‍ ഉദ്ഘാടനം ചെയ്യും. അബ്ദുല്‍ കരീം ബാവ അധ്യക്ഷനാകും. വൈകിട്ട് 5.30ന് സമാപന സംഗമത്തില്‍ മുബശ്ശിര്‍ ഫൈസി അധ്യക്ഷനാകും. പഞ്ചായത്ത് പ്രസിഡന്റ് ബിനോയ് വിശ്വം ട്രോഫി സമ്മാനിക്കും. നാളെ വടകര മേഖലാ കലാമേള അഴിയൂര്‍ കുഞ്ഞിപ്പള്ളി മഖ്ദൂം നഗര്‍ കാംപസില്‍ നടക്കും. രാവിലെ 8.30ന് ജില്ലാ സെക്രട്ടറി അംജദ് ഖാന്‍ റഷീദി ഉദ്ഘാടനം ചെയ്യും. മുസ്തഫ പുതുപ്പണം അധ്യക്ഷനാകും. വൈകിട്ട് നടക്കുന്ന സമാപനത്തില്‍ ജില്ലാ വൈസ് പ്രസിഡന്റ് എം.പി അബ്ദുല്‍ ജബ്ബാര്‍ മുസ്‌ലിയാര്‍ അധ്യക്ഷനാകും. പഞ്ചായത്ത് പ്രസിഡന്റ് എ.ടി അയ്യൂബ് ട്രോഫി വിതരണം ചെയ്യും.