മാള: യുവതി ജീവനൊടുക്കിയ സംഭവത്തില്‍ ഭര്‍ത്താവും അനുജനും അറസ്റ്റില്‍. മേത്തല സ്വദേശി പ്ലാവുത്തറപറമ്പില്‍ സുനിത(38) കഴിഞ്ഞ ദിവസം മരിച്ച സംഭവത്തിലാണ് കൊടുങ്ങുല്ലൂര്‍ സ്വദേശികളായ പ്ലാവുങ്ങപറമ്പില്‍ അനീഷ് (38), അനീഷിന്റെ അനുജന്‍ അജി (37) എന്നിവര്‍ അറസ്റ്റിലായത്. പാളയംപറമ്പില്‍ വാടകയ്ക്ക് താമസിക്കുകയായിരുന്ന സുനിത ആത്മഹത്യ ചെയ്ത സംഭവത്തിലാണ് ഇരുവരും അറസ്റ്റിലായത്. കുടുംബവഴക്കിനെ തുടര്‍ന്ന് ഭര്‍ത്താവും അനുജനുമാണ് തന്റെ മരണത്തിന് കാരണമെന്നു കയ്യില്‍ എഴുതിവച്ചിരുന്നുവെന്ന് പൊലിസ് പറഞ്ഞു. മാനസികവും ശാരീരികവുമായ പീഡനങ്ങളെ തുടര്‍ന്നാണ് യുവതി ആത്മഹത്യ ചെയ്തതെന്നാണ് സൂചന. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.