ലണ്ടന്‍: പ്രീമിയര്‍ ലീഗില്‍ ഇന്നലെ നടന്ന മത്സരത്തില്‍ വെസ്റ്റ് ഹാം യുനൈറ്റഡ് ആഴ്‌സനലിനെ പരാജയപ്പെടുത്തി. എതിരില്ലാത്ത ഒരു ഗോളിനായിരുന്നു വെസ്റ്റ് ഹാമിന്റെ ജയം.

48-ാം മിനുട്ടില്‍ പത്തൊന്‍പതുകാരന്‍ ഡക്ലാന്‍ റൈസാണ് വെസ്റ്റ് ഹാമിന്റെ വിജയ ഗോള്‍ നേടിയത്. ഗോള്‍ നേടുന്നതിനായി ആഴ്‌സനല്‍ മുന്നേറ്റം കിണഞ്ഞ് ശ്രമിച്ചെങ്കിലും ലക്ഷ്യം കാണാനായില്ല. ആദ്യ പകുതിയില്‍ ടീം ഒരു ഗോളിന് പിന്നിട്ട് നിന്നിട്ടും ഓസിലടക്കമുള്ള പ്രമുഖ താരങ്ങള്‍ ബെഞ്ചില്‍ തന്നെയായിരുന്നു. തോല്‍വി ആഴ്‌സനലിന് തിരിച്ചടിയായി. ആറാം സ്ഥാനത്തുള്ള മാഞ്ചസ്റ്റര്‍ യുനൈറ്റഡ് അടുത്ത മത്സരത്തില്‍ വിജയിച്ചാല്‍ ഇരുടീമുകളും പോയിന്റ് നിലയില്‍ തുല്യമാകും. ഇതോടെ തിരിച്ചുവരവിന്റെ പാലയിലുള്ള യുനൈറ്റഡിന് വീണ്ടും കരുത്ത് കൂടും. ഇന്ന് രാത്രി 10ന് ടോട്ടനവും യുനൈറ്റഡും തമ്മിലാണ് മത്സരം. ടോട്ടനം ജയിക്കുകയാണെങ്കില്‍ സിറ്റിയെ പിന്തള്ളി രണ്ടാം സ്ഥാനത്തെത്തും.