എടപ്പാള്‍: ഭാരതപ്പുഴയില്‍ കുളിക്കാനിറങ്ങിയ കുട്ടികള്‍ ഒഴുക്കില്‍പെട്ടു. മദിരശ്ശേരി മദ്‌റസയ്ക്കു സമീപം താമസിക്കുന്ന കല്ലല പറമ്പില്‍ സലീമിന്റെ മകന്‍ ഷനീല്‍ (10), ചുള്ളിയില്‍ അലിയുടെ മകന്‍ മുബാറക് (15) എന്നിവരാണ് ഒഴുക്കില്‍പെട്ടത്.
പരുക്കേറ്റ കുട്ടികളെ എടപ്പാളിലെ ആശുപത്രിയില്‍ പ്രവേശിപ്പിച്ചു. ഇന്നലെ വൈകിട്ട് അഞ്ചിനു മദിരശ്ശേരി പമ്പ്ഹൗസിന് സമീപം തടയണ കെട്ടിയിടത്തു മറ്റു കുട്ടികളോടൊപ്പൊം കുളിക്കുമ്പോഴാണ് ഒഴുക്കില്‍പെട്ടത്. നിളയോരം പാര്‍ക്കിനു സമീപത്ത് പുഴ കാണാനെത്തിയ തൃശൂര്‍ മെഡിക്കല്‍ കോളജിലെ ഡോക്ടര്‍മാരുടെ സംഘത്തോടു കുട്ടികള്‍ വിവരമറിയിച്ചു. തുടര്‍ന്നു ഡോക്ടര്‍മാരുടെ നേതൃത്വത്തില്‍ കുട്ടികളെ പുറത്തെടുത്തു പ്രാഥമിക ശുശ്രൂഷകള്‍ നല്‍കി ആശുപത്രിയിലേക്കു മാറ്റുകയായിരുന്നു.