വാടാനപ്പള്ളി: കഴിഞ്ഞ ഹര്‍ത്താല്‍ ദിനത്തില്‍ ഗണേശമംഗലത്ത് ബി.ജെ.പി പ്രവര്‍ത്തകരുമായുണ്ടായ സംഘര്‍ഷത്തില്‍ മുഖ്യപ്രതി എസ്.ഡി.പി.ഐയുടെ നാട്ടിക മേഖലയിലെ പ്രമുഖ നേതാവുമായ തളിക്കുളം സ്വദേശി കല്ലിപറമ്പില്‍ ഷെഹിന്‍(42) നെയാണ് വലപ്പാട് സി.ഐ ടി.കെ.ഷൈജുവും സംഘവും അറസ്റ്റ ചെയ്തത്.
മലപ്പുറം ചങ്ങരംകുളത്തുള്ള ആയുര്‍വേദ ആശുപത്രയില്‍ നിന്നാണ് പ്രതിയെ പിടികൂടിയത്. ഇയാള്‍ താമസിച്ചിരുന്ന മുറിയില്‍ നിന്ന് ആയുധവും പൊലിസ് കണ്ടെടുത്തിട്ടുണ്ട്. കേസില്‍ ഒന്നാം പ്രതിയാണ് ഷെയിന്‍. വാടാനപ്പള്ളി ഗണേശ മംഗലത്തെ ഹര്‍ത്താല്‍ സംഘര്‍ഷവുമായി ബന്ധപ്പെട്ട് ഇതുവരെ പത്ത് എസ്.ഡി.പി.ഐ പ്രവര്‍ത്തകരെയും ,അഞ്ച് ബി.ജെ.പി പ്രവര്‍ത്തകരെയും ഇതുവരെ അറസ്റ്റ് ചെയ്തു. 50പേര്‍ക്കെതിരെയാണ് പൊലിസ് കേസെടുത്തിട്ടുള്ളത്. ബാക്കിയുള്ള പ്രതികള്‍ക്കായി അന്വേഷണം നടക്കുകയാണ്.