തൊടുപുഴ: കേന്ദ്രസര്‍ക്കാരിന്റെ ജനവിരുദ്ധ ബാങ്കിങ് നയങ്ങള്‍ക്കെതിരെ 28ന് നടത്തുന്ന അഖിലേന്ത്യാ പണിമുടക്ക് വിജയിപ്പിക്കാന്‍ യുണൈറ്റഡ് ഫോറം ഓഫ് ബാങ്കിങ് യൂണിയന്‍സ് ജില്ലാ കമ്മിറ്റി തീരുമാനിച്ചു.
ഓഫീസര്‍മാരടക്കമുള്ള പത്ത് ലക്ഷം ബാങ്ക് ജീവനക്കാരാണ് പണിമുടക്കുന്നത്.
ജനവിരുദ്ധ ബാങ്കിങ് നയം തിരുത്തുക, എസ്.ബി.ടി അടക്കമുള്ള ബാങ്ക് ലയനത്തിനുള്ള ക്യാബിനറ്റ് തീരുമാനം പിന്‍വലിക്കുക, ഇടപാടുകാര്‍ക്ക് മെച്ചപ്പെട്ട സേവനം നല്‍കാന്‍ പുതിയ നിയമനങ്ങള്‍ നടത്തുക തുടങ്ങിയ ആവശ്യങ്ങള്‍ ഉന്നയിച്ചാണ് പണിമുടക്ക്. പണിമുടക്കിന് മുന്നോടിയായി ജില്ലയില്‍ വിവിധയിടങ്ങളില്‍ ഇന്ന് പ്രകടനങ്ങള്‍ നടത്തും.