ദുബൈ: ഐ.സി.സി വനിത ടി20 ലോകകപ്പ് ക്രിക്കറ്റിൽ ഇന്റർനാഷനൽ ക്രിക്കറ്റ് കൗൺസിലിന്റെ ഔദ്യോഗിക സ്കോററായി യു.എ.ഇയിലെ പ്രവാസി മലയാളി മാവേലിക്കര സ്വദേശി ഷിനോയ് സോമനെ നിയമിച്ചു. പാക്കിസ്ഥാൻ, ന്യൂസിലൻഡ്, ശ്രീലങ്ക എന്നീ ടീമുകൾക്കെതിരെയുള്ള ഇന്ത്യയുടെ മത്സരങ്ങളിലാണ് ഷിനോയ് സ്കോറിങ് ചുമതല നിർവഹിക്കുന്നത്.

2009ൽ ദുബൈ ക്രിക്കറ്റ് സ്റ്റേഡിയത്തിൽ നടന്ന പാകിസ്ഥാൻ,ഓസ്ട്രേലിയ ഏകദിന മത്സരത്തിലാണ് ഷിനോയ് സ്കോററായി അരങ്ങേറ്റം കു റിച്ചത്. ഏഷ്യ കപ്പ്, ഐ.പി.എൽ, പി.എസ്.എൽ, ടി20 ലോകകപ്പ്, പാകിസ്ഥാൻ, ഓസ്ട്രേലിയ, ശ്രീലങ്ക, യു.എ.ഇ, അഫ്ഗാനിസ്ഥാൻ എന്നീ രാജ്യങ്ങളുടെ അന്താരാഷ്ട്ര മത്സരങ്ങളിൽ സ്കോററായി നേരത്തെ പ്രവർത്തിച്ചിട്ടുണ്ട്. 

ഏഷ്യാ കപ്പ് ടി20, അണ്ടർ 19 മത്സരത്തിൽ ഡക്ക് വർത്ത് ലൂയിസ് മാനേജരായും പ്രവർത്തിച്ചിട്ടുണ്ട്. മാവേലിക്കര തഴക്കര മൊട്ടയ്ക്കൽ സോമന്റെയും ശ്യാമളയുടെയും മകനായ ഷിനോയ് ദുബൈ ക്യാപിറ്റോൾ ഹോട്ടൽ സെയിൽസ്ഡയരക്ടറാണ്. ഭാര്യ പ്രിയ. റയാൻ, തഷിൻ, ഫിയോന എന്നിവരാണ് മക്കൾ.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക