പേഴുംമൂട് : മനുഷ്യര്‍ക്കു മാത്രമല്ല, പക്ഷി പറവാദികള്‍ക്കും കൂടി കുടിവെള്ളം നല്‍കുന്ന പദ്ധതിയുമായി സാധുജന സംരക്ഷണ സമിതി.പേഴുംമൂട് പ്രവര്‍ത്തിക്കുന്ന സാധുജന സംരക്ഷണ സമിതിയാണ് 'നല്‍കാം ഒരു കുമ്പിള്‍ ജലം 'എന്ന പേരില്‍ പദ്ധതി നടപ്പാക്കുന്നത്. പേഴുംമൂട് ജങ്ഷനിലെ ബസ് കാത്തിരിപ്പ് കേന്ദ്രത്തില്‍ പദ്ധതിക്കു തുടക്കം കുറിച്ചു.
സാധുജന സംരക്ഷണ സമിതി ചെയര്‍മാന്‍ നാസിമുദ്ദീന്‍ മൗലവി അധ്യക്ഷത വഹിച്ച യോഗത്തില്‍ പ്രൊഫ. എം സിദ്ദീക്കുല്‍ കബീര്‍ ഉദ്ഘാടനം നിര്‍വഹിച്ചു. പള്ളിവേട്ട സമീര്‍, സജാദ് കാലംപാറ, അനസ് പേഴുംമൂട്, നൗഷാദ് സഫ, മുസ്തനീര്‍, ഹസ്സന്‍ ബഷരി, സുല്‍ഫി പുത്തന്‍പള്ളി തുടങ്ങിയവര്‍ സംസാരിച്ചു.