കളമശ്ശേരി: എറണാകുളം ജില്ല ഖുര്‍ആന്‍ സ്റ്റഡി സെന്റര്‍ വാര്‍ഷിക പൊതുയോഗവും തെരഞ്ഞെടുപ്പും നടത്തി. കളമശ്ശേരി മര്‍ക്കസ് ഹാളില്‍ കൂടിയ യോഗത്തില്‍ എം.എം അബൂബക്കര്‍ ഫൈസി അധ്യക്ഷത വഹിച്ചു. എസ്.വൈ.എസ് സംസ്ഥാന വൈസ് പ്രസിഡന്റ് എ.എം പരീദ് ഹാജി ഉദ്ഘാടനം ചെയ്തു.
സയ്യിദ് ഷറഫുദ്ദീന്‍ തങ്ങള്‍ ദുആയ്ക്ക് നേതൃത്വം നല്‍കി. എംബി മുഹമ്മദ് ഹാജി, കെ.എം അബ്ദുല്‍ സലാം ഹാജി, സിയാദ് ചെമ്പറക്കി, പി.എം ഫൈസല്‍, സിദ്ധിക്ക് ചെങ്ങമനാട് എന്നിവര്‍ പ്രസംഗിച്ചു. ഖുര്‍ആന്‍ സ്റ്റഡി സെന്റര്‍ ജില്ല പ്രസിഡന്റായി എം.എം അബൂബക്കര്‍ ഫൈസിയേയും സെക്രട്ടറി എം.ബി മുഹമ്മദ് ഹാജിയും ട്രഷറര്‍ കെ.എം അബ്ദുല്‍ സലാം ഹാജി കുന്നപ്പിള്ളി, വൈസ് പ്രസിഡന്റ് അഷ്‌റഫ് ഹാജി, സിദ്ധീക്ക് ചെങ്ങമനാട്, ബഷീര്‍ മാനാലി, യൂസുഫ് മാസ്റ്റര്‍, സാജുദ്ധീന്‍ കളമശ്ശേരി, അസ്‌ലം പുന്നുരുന്നി, സെയ്തു ഹാജി, അബ്ദുല്‍ കരീം എന്നിവരേയും തെരഞ്ഞെടുത്തു. തെരഞ്ഞെടുപ്പിന് എസ്.വൈ.എസ് ജില്ലാ സെക്രട്ടറി ഡി.എം അബ്ദുറഹ്മാന്‍കുട്ടി നേതൃത്വം നല്‍കി.