മരട്: മരട് നഗരസഭയില്‍ കോണ്‍ഗ്രസ് പാര്‍ലിമെന്ററി പാര്‍ട്ടി ലീഡറായി ആന്റണി ആശാം പറമ്പിലിനെ ഐക്യകണ്‌ഠേന തിരഞ്ഞെടുത്തു. കൗണ്‍സിലര്‍ ജിന്‍സണ്‍ പീറ്ററാണ് ആന്റണി ആശാന്‍ പറമ്പിലിന്റെ പേര് നിര്‍ദേശിച്ചത്.ആന്റണി ഇപ്പോള്‍ മരട് മണ്ഡലം കോണ്‍ഗ്രസ് പ്രസിഡന്റാണ്. വൈറ്റില ബ്ലോക്ക് പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാനായുംട്രേഡ് യൂനിയന്‍ രംഗത്തും സാമൂഹ്യ സാംസ്‌കാരിക രംഗത്തും പ്രവര്‍ത്തിച്ചു മികവു തെളിയിച്ചിട്ടുള്ള വ്യക്തി കൂടിയാണ്.മരട് നഗരസഭയില്‍ മുപ്പത്തിമൂന്നംഗ കൗണ്‍സിലില്‍, യു.ഡി.എഫിന് പതിനാറ് പേരുടെയുംഎല്‍.ഡി.എഫിന് പതിനേഴ് പേരുടെയും പിന്തുണയുണ്ട്. വരുന്ന പതിനെട്ടിനാണ് നഗരസഭയില്‍ ചെയര്‍പെഴ്‌സണ്‍ തിരഞ്ഞെടുപ്പു നടക്കുന്നത്.