കുമ്പള: കൈയേറ്റം ഒഴിപ്പിക്കാനെത്തിയ വില്ലേജ് ഓഫിസറെ ഒരു സംഘം വളഞ്ഞിട്ട് മര്‍ദിച്ചതായി പരാതി. കുമ്പള വില്ലേജ് ഓഫിസര്‍ കൊല്ലം സ്വദേശി ആര്‍. ബിജു (44)വിനാണ് മര്‍ദനമേറ്റത്.  കുമ്പള വെല്‍ഫെയര്‍ സ്‌കൂളിന് മുന്നില്‍ പാതക്കരികില്‍ സര്‍ക്കാര്‍ സ്ഥലം കൈയേറി ഷെഡ് നിര്‍മിച്ചത് ഒഴിപ്പിക്കാനെത്തിയപ്പോഴാണ് സംഭവം. ഡെപ്യൂട്ടി തഹസില്‍ദാര്‍ ഇ. കൃഷ്ണമൂര്‍ത്തിയും ഒഴിപ്പിക്കാനെത്തിയ റവന്യു സംഘത്തിലുണ്ടായിരുന്നു. സംഭവത്തില്‍ ഔദ്യോഗിക കൃത്യനിര്‍വഹണം തടസപ്പെടുത്തിയതിനും മര്‍ദിച്ചതിനും കുമ്പള പൊലിസ് അന്വേഷണം ആരംഭിച്ചു.