വണ്ടൂര്‍: വിതരണത്തിനെത്തിയ റേഷന്‍ അരിയില്‍ വ്യാപകമായി ചപ്പുചവറുകള്‍ കണ്ടെത്തിയതായി ആരോപണം. പോരൂര്‍ പാലക്കോട് റേഷന്‍ കടയില്‍ വിതരണം ചെയ്ത അരിയിലാണ് കല്ലുകളും ചപ്പുചവറുകളും കണ്ടെത്തിയത്. സംഭവം നാട്ടുകാരുടെ പ്രതിഷേധത്തിനിടയാക്കിയതോടെ യൂത്ത് കോണ്‍ഗ്രസ് ഭാരവാഹികളും രംഗത്തെത്തി.
സംഭവം അധികൃതരെ അറിയിച്ചതായും പ്രശ്‌നം പരിഹരിച്ചില്ലെങ്കില്‍ ശക്തമായ സമരപരിപാടികള്‍ സംഘടിപ്പിക്കുമെന്നും നിയോജക മണ്ഡലം യൂത്ത് കോണ്‍ഗ്രസ് പ്രസിഡന്റ് സി. ഷബീര്‍ പറഞ്ഞു.