കൊല്ലം: കൊട്ടാരക്കര സംസ്‌കൃതി ഫിലിംസൊസൈറ്റിയുടെ രണ്ടാമത് വാര്‍ഷികം മാര്‍ച്ച് 5ന്  രാവിലെ 10ന് കൊല്ലം പബ്ലിക്ക്‌ലൈബ്രറി സരസ്വതിഹാളില്‍ വി.എസ് അച്യുതാനന്ദന്‍ ഉദ്ഘാടനം ചെയ്യും. മന്ത്രി ജെ. മേഴ്‌സിക്കുട്ടിയമ്മ മുഖ്യപ്രഭാഷണവും ആര്‍.സി.സി ചികില്‍സാ സഹായ ഫണ്ടും വിതരണം ചെയ്യും. എം നൗഷാദ് എം.എല്‍.എ പ്രതിഭകളെ ആദരിക്കും.
പരിപാടിയില്‍ ഫോക്‌ലോര്‍ അക്കാദമി ചെയര്‍മാന്‍ സി.ജെ കുട്ടപ്പന് സംസ്‌കൃതി പ്രതിഭാ പുരസ്‌ക്കാരം സമ്മാനിക്കും. സംസ്ഥാന-ജില്ലാ സ്‌കൂള്‍ കലോല്‍സവ പ്രതിഭകളെ രാമവര്‍മ്മ അനുമോദിക്കും.