തലശ്ശേരി: ബി.ജെ.പി പ്രവര്‍ത്തകന്‍ ധര്‍മടം അണ്ടലൂര്‍ മുല്ലപ്രം കാവിന് സമീപം ചോമന്റവിടെ സന്തോഷ്‌കുമാറി (49) നെ വീട്ടില്‍ കയറി വെട്ടിക്കൊലപ്പെടുത്തിയ കേസില്‍ റിമാന്‍ഡിലായ രണ്ട് പ്രതികള്‍ നല്‍കിയ ജാമ്യഹരജിയില്‍ വാദം പൂര്‍ത്തിയായി. വിധി നാളെ പ്രഖ്യാപിക്കും. അന്വേഷണ ഉദ്യോഗസ്ഥന്‍ ഇന്നലെ വ്യക്തമായ കേസ് ഡയറി ജില്ലാ പ്രിന്‍സിപ്പല്‍ സെഷന്‍സ് കോടതിയില്‍ ഹാജരാക്കി. സന്തോഷ്‌കുമാര്‍ വധക്കേസിലെ ഏഴും എട്ടും പ്രതികളും സി.പി.എം പ്രവര്‍ത്തകരുമായ ധര്‍മടം തോട്ടുമ്മല്‍ ഹൗസില്‍ കെ റിജേഷ്(23), ധര്‍മടം പാലയാട്ടെ കേളോത്ത് വീട്ടില്‍ പി അജേഷ്(22)എന്നിവര്‍ നല്‍കിയ ജാമ്യ ഹരജിയിലാണ് ഇന്നലെ വാദം പൂര്‍ത്തിയായത.് പൊലിസ് കോടതിയില്‍ സമര്‍പ്പിച്ച കേസ് ഡയറിയിലെ അവ്യക്തയെ തുടര്‍ന്ന് കഴിഞ്ഞ ദിവസം വാദം മാറ്റി വെച്ചിരുന്നു. പൊസിക്യൂഷന് വേണ്ടി പബ്ലിക് പ്രൊസിക്യൂട്ടര്‍ ബി.പി ശശീന്ദ്രനും പ്രതികള്‍ക്ക് വേണ്ടി അഡ്വ. കെ പ്രത്യുവുമാണ് ഹാജരായി.