തിരുവനന്തപുരം: കടുത്ത സാമ്പത്തിക പ്രതിസന്ധി മറികടക്കാനുള്ള ശ്രമങ്ങളുടെ ഭാഗമായി ലോട്ടറി ടിക്കറ്റുകളുടെ വില വര്‍ധിപ്പിച്ചുകൊണ്ടുള്ള ഉത്തരവിറക്കി സര്‍ക്കാര്‍. സംസ്ഥാന സര്‍ക്കാരിന്റെ കീഴിലുള്ള അഞ്ച് ലോട്ടറികളുടെ വിലയാണ് പത്ത് രൂപ വീതം വര്‍ധിപ്പിച്ചത. വില ഏകീകരിക്കുന്നതിന്റെ ഭാഗമായി കാരുണ്യ ലോട്ടറിയുടെ വില പത്ത് രൂപ കുറച്ചിട്ടുമുണ്ട്.

ലോട്ടറി വകുപ്പാണ് വില വര്‍ധിപ്പിച്ചുകൊണ്ടുള്ള ഉത്തരവ് പുറത്തിറക്കിയത്. സാമ്പത്തിക പ്രതിസന്ധിക്ക് പുറമേ ലോട്ടറിയുടെ ജി.എസ്.ടി നികുതി, ജി.എസ്.ടി കൗണ്‍സില്‍ വര്‍ധിപ്പിച്ച സാഹചര്യവും പുതിയ നടപടിക്ക് പുറകിലുണ്ടെന്നാണ് ലഭിക്കുന്ന സൂചന. സര്‍ക്കാര്‍ ലോട്ടറിക്കും സ്വകാര്യ ലോട്ടറിക്കും വ്യത്യസ്ത നികുതി ഏര്‍പ്പെടുത്തണമെന്ന കേരള ജി.എസ്.ടി കൗണ്‍സിലിന്റെ ആവശ്യം കേന്ദ്രം അംഗീകരിച്ചിരുന്നില്ല.