കൊച്ചി: തളര്‍ന്നു പോവാതെ കൂടുതല്‍ കരുത്തോടെ തിരിച്ചു വരുമെന്നറിയിച്ച് കൊച്ചിയില്‍ ഗുണ്ടാസംഘത്തിന്റെ ആക്രമണത്തിനിരയായ നടി. സാമൂഹികമാധ്യമമായ ഇന്‍സ്റ്റഗ്രാമിലാണ് ഇവരുടെ പ്രതികരണം.
ജീവിതം പല തവണ തന്നെ തളര്‍ത്തി, എങ്കിലും താന്‍ തിരിച്ചുവരിക തന്നെ ചെയ്യും. അവര്‍ കുറിച്ചു. തന്നെ പിന്തുണച്ചവര്‍ക്കുളള നന്ദിയും സന്ദേശത്തില്‍ നടി പങ്കുവെക്കുന്നു. ആക്രമണത്തിനുശേഷം നടിയുടെ ആദ്യ പ്രതികരണമാണിത്.
ഫബ്രുവരി 17ന് രാത്രി കൊച്ചിയിലെ സുഹൃത്തിന്റെ വീട്ടിലേക്ക് വരികെയാണ് നടിക്ക് നേരെ ആക്രമണം ഉണ്ടാകുന്നത്. ഇതിലെ എല്ലാ പ്രതികളെയും പൊലിസ് പിടികൂടി.