ജാപ്പനീസ് ബൈക്ക് നിര്‍മാതാക്കളായ സുസുക്കിയുടെ ഏറ്റവും പുതിയ മോഡല്‍ ജിക്‌സര്‍ എസ്.ഫ് 155 സിസി,ആക്‌സസ് 125 മോഡലുകള്‍ നിരത്തിലിറങ്ങി.

പുതിയ മെറ്റാലിക് സോണിക് സില്‍വര്‍ നിറവുമായാണ് ആക്‌സസ് അവതരിപ്പിച്ചത്. മനോഹരമായ ഗ്രാഫിക്‌സോടുകൂടിയ മൂന്ന് നിറങ്ങളിലാണ് ജിക്‌സര്‍ പുറത്തെത്തിയത്. കറുപ്പ്,ചുവപ്പ്,നീല നിറങ്ങളളിലാണ് ജിക്‌സര്‍ എത്തിയത്.

മുന്നിലും പിന്നിലും ഡിസ്‌ക് ബ്രേക്കുള്ള ജിക്‌സര്‍ എസ്.എഫ് പ്രധാനമായും യുവാക്കളെ ലക്ഷ്യം വച്ചാണ് ഇറക്കിയത്. ബജാജ് പള്‍സര്‍,ഹോണ്ട യൂനികോണ്‍,യമഹ എഫ്.സെഡ് എന്നിവയാണ് ഈ ശ്രേണിയില്‍ ജിക്‌സറിന്റെ പ്രധാന എതിരാളികള്‍. ഹോണ്ട ആക്റ്റീവ 125 ആണ് ആക്‌സസിന്റെ ഏറ്റവും വലിയ എതിരാളി.

54,302 മുതല്‍ 57,615 രൂപയാണ് പുതിയ ആക്‌സസിന്റെ വില. 80,528- 77,452 രൂപയാണ് ജിക്‌സര്‍ എസ്.എഫിന്റെ ഡല്‍ഹി എക്‌സ് ഷോറൂം വില. ഈ സെഗ്‌മെന്റില്‍ ഇരു ചക്രവാഹന വിപണിയില്‍ ആധിപത്യം നേടാനാണ് സുസുക്കിയുടെ ശ്രമം.