കൊല്ലം: സായി ദേശീയ സീനിയര്‍ വനിതാ ഹോക്കി ചാംപ്യന്‍ഷിപ്പ് ഫൈനലില്‍. മധ്യപ്രദേശ് ഹോക്കി അക്കാദമിയെ പെനാല്‍ട്ടി ഷൂട്ടൗട്ടില്‍ തോല്‍പിച്ചാണ് സായി (സ്പോര്‍ട്സ് അതോറിറ്റി ഓഫ് ഇന്ത്യ) ഫൈനലിലെത്തിയത്. ചരിത്രത്തിലാദ്യമായാണ് ഒരു മേജര്‍ ടൂര്‍ണമെന്റില്‍ സായി കിരീടപ്പോരാട്ടത്തിന് യോഗ്യത നേടുനത്.

വൈകീട്ട് നാലിന് നടക്കുന്ന രണ്ടാം സെമിയില്‍ മഹാരാഷ്ട്ര ഹരിയാനയെ നേരിടും. ഒളിമ്പ്യന്‍ പൂനം റാണി മാലിക്കാണ് ഹരിയാനയുടെ ക്യാപ്റ്റന്‍. ഈ മത്സരത്തിലെ വിജയികള്‍ നാളെ നടക്കുന്ന ഫൈനലില്‍ സായി (സ്പോര്‍ട്സ് അതോറിറ്റി ഓഫ് ഇന്ത്യ)യെ നേരിടും. മൂന്നാം സ്ഥാനക്കാരെ നിര്‍ണയിക്കുന്നതിനുള്ള ലൂസേഴ്സ് ഫൈനല്‍ നാളെ(ഞായര്‍) ഉച്ചയ്ക്ക് രണ്ട് മണിക്ക് നടക്കും.എട്ടു ഗോളുകള്‍ നേടിയ മഹാരാഷ്ട്രയുടെ റുതുജ പിസാലാണ് ടൂര്‍ണമെന്റിലെ ടോപ് സ്‌കോറര്‍ പട്ടികയില്‍ ഒന്നാമതുള്ളത്.