ന്യൂഡല്‍ഹി: തെരഞ്ഞെടുപ്പിന്റെ തുടക്കത്തില്‍ പോളിങ് ശതമാനം കുറഞ്ഞതിനെ തുടര്‍ന്ന്, എല്ലാവരും വോട്ടുചെയ്യണമെന്ന് സോഷ്യല്‍മീഡിയയിലൂടെ ആവര്‍ത്തിച്ചഭ്യര്‍ഥിച്ച് ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍. സ്ത്രീകള്‍ എല്ലാവരും പുരുഷന്‍മാരെക്കൂട്ടി ബൂത്തിലെത്തണമെന്ന കെജ്‌രിവാളിന്റെ ഒരു പരാമര്‍ശം സ്ത്രീവിരുദ്ധമാണെന്നാരോപിച്ച് കേന്ദ്രമന്ത്രി സമൃതി ഇറാനി രംഗത്തെത്തുകയും ചെയ്തു. ഇതിന് കെജ്‌രിവാള്‍ മറുപടി നല്‍കി. വോട്ടെടുപ്പ് കഴിഞ്ഞതിനു പിന്നാലെ കേന്ദ്ര ആഭ്യന്തര മന്ത്രി അമിത് ഷാ ഡല്‍ഹിയില്‍നിന്നുള്ള ബി.ജെ.പി എം.പിമാരുടെ യോഗം വിളിച്ചു.
വോട്ടിങ് ശതമാനം കുറഞ്ഞത് ചര്‍ച്ച ചെയ്യാനാണ് ഇത്. യോഗത്തില്‍ പാര്‍ട്ടി ദേശീയ അധ്യക്ഷന്‍ ജെ.പി നദ്ദയും പങ്കെടുത്തെന്നാണ് വിവരം. ബി.ജെ.പിക്കാണ് ഇതു തിരിച്ചടിയാകുകയെന്നാണ് വിലയിരുത്തല്‍.