വാണിമേല്‍: ഇന്ത്യയെ രണ്ടായി വിഭജിക്കാനുള്ള ശ്രമത്തിലാണ് മോദിയെന്ന് എം.ഐ ഷാനവാസ് എം.പി. വാണിമേല്‍ പഞ്ചായത്ത് മുസ്‌ലിം ലീഗ് സംഘടിപ്പിച്ച ഇ. അഹമ്മദ് അനുസ്മരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഇ. അഹമ്മദിനെ പോലെയുള്ള രാജ്യത്തിനു മറക്കാനാവാത്ത സേവനം ചെയ്ത വ്യക്തിയോടു പോലും ക്രൂരത കാണിക്കുന്ന രൂപത്തിലേക്ക് ഇന്ത്യന്‍ ഫാസിസം വളര്‍ന്നുവെന്നും ഇത് അപകടകരമാണെന്നും അദ്ദേഹം കൂട്ടിച്ചേര്‍ത്തു.
സി.കെ മമ്മു മാസ്റ്റര്‍ അധ്യക്ഷനായി. ചടങ്ങില്‍ മണ്ഡലം മുസ്‌ലിം ലീഗ് ഭാരവാഹികളെ അനുമോദിച്ചു. ഉമര്‍ പാണ്ടികശാല, അഡ്വ. പി.വിസൈനുദ്ദീന്‍, സി.കെ സുബൈര്‍, സൂപ്പി നരിക്കാട്ടേരി, എന്‍.കെ മൂസ മാസ്റ്റര്‍, വയലോളി അബ്ദുല്ല, അഡ്വ. കെ. പ്രവീണ്‍ കുമാര്‍, തെങ്ങലക്കണ്ടി അബ്ദുല്ല, എം.കെ മജീദ്, സി. സൂപ്പി മാസ്റ്റര്‍, ഒ.സി ജയന്‍, കെ.പി ശിഹാബ്, നടുക്കണ്ടി മൊയ്തു, കെ.സി നജ്മു സാഖിബ്, വി.പി ലത്തീഫ് പ്രസംഗിച്ചു.
അശ്‌റഫ് കൊറ്റാല സ്വാഗതവും വി.കെ മൂസ നന്ദിയും പറഞ്ഞു.