കല്‍പ്പറ്റ: ചെലവ് കുറഞ്ഞ മഴവെള്ളസംഭരണ രീതികള്‍ക്ക് പരിശീലനം നാളെ രാവിലെ 9.30ന് അമ്പലവയല്‍ പ്രാദേശിക ഗവേഷണ കേന്ദ്രങ്ങളില്‍ നടത്തും.
ജില്ലാ ലീഗല്‍ സര്‍വിസസ് അതോറിറ്റിയുടെ നേതൃത്വത്തില്‍ പൂക്കോട് വെറ്ററിനറി യൂനിവേഴ്‌സിറ്റി, ഫിഷറീസ്, വനം, കൃഷി, പട്ടികവര്‍ഗ്ഗ വകുപ്പ്, നബാര്‍ഡ്, വേള്‍ഡ് മലയാളി കൗണ്‍സില്‍, കുടുംബശ്രീ എന്നിവയുടെ സഹകരണത്തോടെയാണ് പരിശീലനം.
ജില്ലാ കലക്ടര്‍ ബി.എസ് തിരുമേനി പരിശീലനം ഉദ്ഘാടനം ചെയ്യും. ജില്ലാ സെഷന്‍സ് ജഡ്ജി ഡോ.വി വിജയകുമാര്‍ അധ്യക്ഷനാകും. സബ് ജഡ്ജ് എ.ജി സതീഷ് കുമാര്‍, സുല്‍ത്താന്‍ ബത്തേരി ബാര്‍ അസോസിയേഷന്‍ പ്രസിഡന്റ് അഡ്വ.പി.ഡി സജി, കൃഷിവിജ്ഞാനകേന്ദ്രം പ്രോഗ്രാം കോഡിനേറ്റര്‍ ഡോ.എന്‍.ഇ സഫിയ തുടങ്ങിയവര്‍ സംസാരിക്കും. അമ്പലവയല്‍ കാര്‍ഷിക ഗവേഷണ കേന്ദ്രം അസോസിയേറ്റ് ഡയറക്ടര്‍ ഡോ.പി രാജേന്ദ്രന്‍, ഡോ.ബി.പ്രദീപ്, മത്സ്യകര്‍ഷകന്‍ ശശീന്ദ്രന്‍ എന്നിവര്‍ ക്ലാസെടുക്കും.