അമൃത്‌സര്‍: 39 പാകിസ്താന്‍ തടവുകാരെ ഇന്ത്യ മോചിപ്പിച്ച് വാഗാ അതിര്‍ത്തിയിലൂടെ കൈമാറി. ഇവരില്‍ 18 പേര്‍ മീന്‍പിടുത്ത തൊഴിലാളികളാണ്. ഇന്ത്യ- പാക് നല്ല ബന്ധം തുടരുന്നതിന്റെ ഭാഗമായാണ് നടപടി.

അതിര്‍ത്തി രക്ഷാ സേനയാണ് ഇവരെ പാകിസ്താന്‍ റെയിഞ്ചേഴ്‌സിനു കൈമാറിയത്. രണ്ടുമാസത്തിനിടെ പാകിസ്താന്‍ 217 ഇന്ത്യന്‍ മത്സ്യത്തൊഴിലാളികളെ മോചിപ്പിച്ചിരുന്നു.

ഇന്ത്യന്‍ ജവാന്‍ ചന്തു ബാബുലാല്‍ ഛോഹാനെ ജനുവരി 21ന് പാകിസ്താന്‍ കൈമാറിയിരുന്നു.