മഹാരാജ്ഗഞ്ച്: നോട്ട് നിരോധനത്തെയും രാജ്യത്തെ സാമ്പത്തിക സ്ഥിതിയെക്കുറിച്ചും രൂക്ഷമായ വിമര്‍ശനം ഉന്നയിച്ച നോബല്‍ സമ്മാന ജേതാവ് അര്‍ത്യസെന്നിനെ രൂക്ഷമായി വിമര്‍ശിച്ച് പ്രധാനമന്ത്രി നരേന്ദ്ര മോദി.
മോദിയുടെ നയങ്ങളെ എന്നും കഠിനമായി വിമര്‍ശിച്ചിരുന്ന അമര്‍ത്യാ സെന്നിനെ ഇന്നലെ ഉത്തര്‍പ്രദേശിലെ മഹാരാജ് ഗഞ്ചില്‍ സംഘടിപ്പിച്ച റാലിയിലാണ് പ്രധാനമന്ത്രി മറുപടി നല്‍കിയത്.
ഹാര്‍വാര്‍ഡ്(ഹാര്‍വാര്‍ഡ് സര്‍വകലാശാല) ചിന്തയേക്കാള്‍ പ്രധാനം കഠിനാധ്വാന (ഹാര്‍ഡ് വര്‍ക്ക്)മാണ് വേണ്ടതെന്നാണ് മോദി ചൂണ്ടിക്കാട്ടിയത്. അമര്‍ത്യയുടെ പേരെടുത്ത് പറയാതെയായിരുന്നു മോദിയുടെ വിമര്‍ശനം.
ഹാര്‍വാര്‍ഡ് ചിന്തയും ഹാര്‍ഡ് വര്‍ക്കും(കഠിനാധ്വാനം) രണ്ടാണ്.
ഇതില്‍ ഒന്ന് ജനങ്ങള്‍ ഹാര്‍വാര്‍ഡ് ചിന്തയെന്തെന്ന് കാത്തിരിക്കുമ്പോള്‍ പാവപ്പെട്ടവന്റെ മക്കള്‍ എങ്ങനെ തങ്ങളുടെ സാമ്പത്തിക സ്ഥിതി മെച്ചപ്പെടുത്താനാകുമെന്നാണ് ചിന്തിക്കുന്നതെന്നും മോദി വ്യക്തമാക്കി.