മംഗളൂരു: ഗുണ്ടാത്തലവന്‍ ഉപ്പള മണിമുണ്ടയിലെ കാലിയ റഫീഖിന്റെ കൊലപാതകത്തില്‍ മൂന്നു പേരെ അറസ്റ്റ് ചെയ്തതു. ഉപ്പളയിലെ നൂര്‍അലി (36), ഹൊസ്ദുര്‍ഗിലെ ടി.എസ് റാഷിദ് (30), സിദ്ദക്കട്ടയിലെ സുഹൈല്‍, ഉസ്താദ് എന്നീ പേരുകളില്‍ അറിയപ്പെടുന്ന ഹുസന്‍ അബ്ബ (35) എന്നിവരെയാണ് പിടികൂടിയതെന്ന് സിറ്റി പൊലിസ് കമ്മിഷണര്‍ ചന്ദ്രശേഖര്‍ അറിയിച്ചു. മൂന്നു പേരെ കൂടി പിടികിട്ടാനുണ്ട്. ഇവര്‍ ഒളിവിലാണെന്നും പൊലിസ് പറഞ്ഞു. കേസന്വേഷണത്തിന്റെ ഭാഗമായി പ്രതികള്‍ ഉപയോഗിച്ച കൈത്തോക്ക്, രണ്ട് വാള്‍, കാര്‍ എന്നിവ കസ്റ്റഡിയിലെടുത്തിട്ടുണ്ട്. മംഗളൂരു സിറ്റി ക്രൈം ബ്രാഞ്ച് ഇന്‍സ്‌പെക്ടര്‍ സുനില്‍ വൈ നായക്, ഉള്ളാള്‍ പൊലിസ് സ്റ്റേഷനിലെ ഇന്‍സ്‌പെക്ടര്‍ ഗോപാല്‍ കൃഷ്ണ എന്നിവരുടെ നേതൃത്വത്തിലായിരുന്നു അറസ്റ്റ്. കഴിഞ്ഞ മാസം 14നു രാത്രി 11.45നാണ് കോട്ടേക്കാറില്‍ വച്ച് കാലിയാ റഫീഖ് കൊല്ലപ്പെട്ടത്.