#ഉബൈദുല്ല റഹ്മാനി 

 

 

ബഹ്റൈൻ വിദേശകാര്യ നയം പലപ്പോഴായി പരിവർത്തനങ്ങൾക്ക് വിധേയമായിട്ടുണ്ട്. എങ്കിലും അടിസ്ഥാന തത്വങ്ങൾ ഒരിക്കലും മാറ്റേണ്ടി വന്നിട്ടില്ല. 

 

1783മുതൽ സ്വതന്ത്ര അറബ്, മുസ്ലിം രാജ്യമാണ് കിങ്ഡം ഒാഫ് ബഹ്റൈൻ . 19ാം നൂറ്റാണ്ടിൽ തന്നെ ബ്രിട്ടനുമായി സൈനിക, വിദേശകാര്യ വിഷയങ്ങളിൽ ബഹ്റൈൻ കരാർ ഒപ്പിട്ടിട്ടുണ്ട്. രണ്ടു രാജ്യങ്ങൾ തമ്മിലുള്ള ഏറ്റവും പഴയ നയതന്ത്ര രേഖകളിൽ ഒന്നാണിത്.1971ൽ ബഹ്റൈന് െഎക്യരാഷ്ട്ര സഭയിൽ പൂർണ അംഗത്വം ലഭിച്ചു. തുടർന്ന് നേരത്തെയുണ്ടായിരുന്ന ബ്രിട്ടൻ ബഹ്റൈൻ കരാറിന് പ്രസക്തിയില്ലെന്ന് വിലയിരുത്തപ്പെട്ടു. രണ്ടുവർഷം മുമ്പാണ് യു.കെ -ബഹ്റൈൻ ബന്ധത്തിെൻറ 200ാം വാർഷികം ആഘോ ഷിച്ചത്. ഇക്കാലത്തിനിടയില്‍ ബഹ്റൈൻ വിദേശകാര്യ നയം നിരന്തരം പരിവർത്തനങ്ങൾക്ക് വിധേയമായിട്ടുണ്ടെങ്കിലും അടിസ്ഥാന തത്വങ്ങളില്‍ മാറ്റം വരുത്തേണ്ടി വന്നിട്ടില്ല- മന്ത്രി വിശദീകരിച്ചു.

 

കഴിഞ്ഞ കാലയളവിനിടയില്‍ ബഹ് റൈനുമായി സൗഹൃദം കാത്തുസൂക്ഷിക്കുന്ന എല്ലാ രാജ്യങ്ങളുമായും മികച്ച ബന്ധമാണ് രാജ്യം പുലര്‍ത്തിയത്. രാജ്യ താൽപര്യങ്ങൾ സംരക്ഷിക്കുക, രാജ്യത്തിെൻറ അഖണ്ഡതയും പരമാധികാരവും നിലനിർത്തുക, സുരക്ഷ ഉറപ്പാക്കുക, സൽപേര് നിലനിർത്തുക തുടങ്ങിയ കാര്യങ്ങൾക്ക് എന്നും രാജ്യം  മുൻഗണന നൽകിയിട്ടുണ്ട്. അതോടൊപ്പം അറബ് ഇസ്ലാമിക വിഷയങ്ങളിൽ സംയുക്ത നടപടികൾക്ക് പ്രാധാന്യം നൽകാനും രാജ്യം ശ്രമിച്ചിട്ടുണ്ട്- മന്ത്രി ചൂണ്ടിക്കാട്ടി.

 

രാജ്യത്ത് സമാധാനം, സഹവർത്തിത്വം, സംസ്കാരങ്ങൾ തമ്മിലുള്ള സംവാദം തുടങ്ങിയ വിഷയങ്ങൾക്ക് ബഹ്റൈൻ വലിയ വില കൽപ്പിക്കുന്നതോടൊപ്പം ഭീകരത, തീവ്രവാദം, അക്രമം തുടങ്ങിയവക്കെതിരെ ശക്തമായി പോരാടിയിട്ടുണ്ടെന്നും അദ്ധേഹം കൂട്ടിച്ചേര്‍ത്തു. 

ബഹ്റൈൻ നയതന്ത്രത്തിെൻറ 50 വാർഷികാഘോങ്ങളുടെ ഭാഗമായി സംഘടിപ്പിച്ച പരിപാടിയിൽ വിവിധ രാജ്യങ്ങളുടെ അംബാസഡർമാര്‍ പങ്കെടുത്തു.