ദമാം: ജുബൈൽ കെഎംസിസി സെൻട്രൽ കമ്മിറ്റി ഇ അഹമ്മദ്‌,  ഹാഷിം സാഹിബ് അനുസ്മരണം നടത്തി. ഇന്ന് രാജ്യം ഒറ്റ മനസ്സോടെ പൗരത്വ  വിവേചന നിയമത്തെയും ഫാസിസത്തെയും എതിർക്കുമ്പോൾ ഓർക്കുന്നത് ഇ അഹമ്മദിന്റെ ദീർഘ ദൃഷ്ടിയാണെന്ന്  മുഖ്യ പ്രഭാഷണം നടത്തിയ ഫൈസൽ ഇരിക്കൂർ അഭിപ്രായപ്പെട്ടു. അര നൂറ്റാണ്ടു കാലം ഇന്ത്യൻ രാഷ്ട്രീയ ജീവിതത്തിൽ തന്റേതായ വ്യക്തി മുദ്ര പതിപ്പിച്ച അദ്ദേഹത്തെ അത് കൊണ്ട് തന്നെയാണ് മതേതര ഇന്ത്യ സജീവമായി ഇന്നും ഓർക്കുന്നത്. ഗുജറാത്ത് വംശ ഹത്യ കാലത്ത് അന്നത്തെ മുഖ്യ മന്ത്രിയായിരുന്ന നരേന്ദ്ര മോഡി സർക്കാർ പ്രവേശനം നിഷേധിച്ച സാഹചര്യത്തിലും പീഡനം അനുഭവിച്ച മനുഷ്യരുടെ കണ്ണീരൊപ്പാൻ ഓടിയെത്തിയ നേതാവായിരുന്നു അദ്ദേ

ഹമെന്നും അദ്ദേഹം കൂട്ടിച്ചേർത്തു. 

      കിഴക്കൻ മേഖലയിൽ കെ.എം.സി.സി യെ കെട്ടി പടുക്കുന്നതിൽ മുഖ്യ പങ്കാളിത്തം വഹിച്ച ഹാഷിം സാഹിബ് മരണ സമയം വരെ കർമ്മ നിരതനായിരുന്നു 

വെന്നും യോഗം അനുസ്മരിച്ചു. പാർട്ടിയുടെ നിലപാടുകളെ കൃത്യമായി പഠിച്ചു എല്ലാവരിലേക്കും എത്തിക്കുന്നതിൽ അദ്ദേഹം മുഖ്യ പങ്ക് വഹിച്ചുവെന്നും സദസ്സ് ഓർത്തെടുത്തു.      ജുബൈൽ കെ.എം.സി.സി സെൻട്രൽ കമ്മിറ്റി ആക്ടിങ് പ്രസിഡന്റ് ജാഫർ തേഞ്ഞിപ്പാലത്തിന്റെ അധ്യക്ഷതയിൽ ചേർന്ന ചടങ്ങ് സെൻട്രൽ കമ്മിറ്റ രക്ഷാധികാരി യു.എ റഹീം ഉൽഘാടനം ചെയ്തു. നൗഷാദ് തിരുവനന്തപുരം, മനാഫ് മാത്തോട്ടം, മുഹമ്മദ് കുട്ടി മാവൂർ, ഇബ്രാഹിം കുട്ടി, അബ്ദുൽ സലാം, ഉസ്‌മാൻ ഒട്ടുമ്മൽ സംസാരിച്ചു. സെൻട്രൽ കമ്മിറ്റി ജനറൽ സെക്രട്ടറി ഷംസുദ്ദീൻ പള്ളിയാളി സ്വാഗതവും സൈതലവി നന്ദിയും പറഞ്ഞു.