'എന്റെ പണക്കുടുക്ക ജീവകാരുണ്യത്തിന് '
വിദ്യാര്‍ഥികള്‍ സമാഹരിച്ച തുക
നെസ്റ്റ് പാലിയേറ്റിവ് കെയറിന് കൈമാറി
നന്തിബസാര്‍: വന്‍മുഖം, എളമ്പിലാട് എം.എല്‍.പി സ്‌കൂളില്‍ കഴിഞ്ഞ ജീവകാരുണ്യ ദിനത്തില്‍ തുടക്കം കുറിച്ച 'എന്റെ പണക്കുടുക്ക ജീവകാരുണ്യത്തിന്' പദ്ധതിയിലൂടെ സമാഹരിച്ച തുക കൈമാറി.
 വിദ്യാര്‍ഥികള്‍ പണക്കുടുക്കയില്‍ സൂക്ഷിച്ച തുകയാണ്  കൊയിലാണ്ടി നെസ്റ്റ്  പാലിയേറ്റിവ് കെയറിനു സ്‌കൂളില്‍ നടന്ന ചടങ്ങില്‍ കൈമാറിയത്. പരിപാടി അഡ്വ. ശ്രീജിത്ത് കുമാര്‍ അരങ്ങാടത്ത് ഉദ്ഘാടനം ചെയ്തു. പി.ടി.എ പ്രസിഡന്റ് എന്‍. ശ്രീഷ്‌ന അധ്യക്ഷനായി. നെസ്റ്റ് സെക്രട്ടറി ടി.കെ മുഹമ്മദ് യൂനുസ് പണക്കുടുക്ക സ്‌കൂള്‍ ലീഡര്‍ എസ്. അഭിജിത്തില്‍ നിന്ന് ഏറ്റുവാങ്ങി.
വാര്‍ഡ് മെമ്പര്‍ വി.വി സുരേഷ്, പി.കെ അബ്ദുറഹിമാന്‍, വീക്കുറ്റിയില്‍ രവി, പി.കെ ഹമീദ്, സാനു, സി. ഖൈറുന്നിസാബി പ്രസംഗിച്ചു. പ്രധാനാധ്യാപിക എന്‍.ടി.കെ സീനത്ത് സ്വാഗതവും വി.ടി ഐശ്വര്യ നന്ദിയും പറഞ്ഞു.