കല്‍പ്പറ്റ: സുല്‍ത്താന്‍ ബത്തേരി ട്രൈബല്‍ ഡവലപ്‌മെന്റ് ഓഫിസിനു കീഴില്‍ മീനങ്ങാടിയില്‍ പ്രവര്‍ത്തിക്കുന്ന തയ്യല്‍ പരിശീലന കേന്ദ്രത്തില്‍ പ്രവേശനം ലഭിക്കുന്നതിന് സുല്‍ത്താന്‍ ബത്തേരി താലൂക്കിലെ താമസക്കാരും എട്ടാം ക്ലാസ്സ്  യോഗ്യതയുമുള്ള 14നും 25നുമിടയില്‍ പ്രായമുള്ള യുവതികളില്‍ നിന്നും അപേക്ഷ ക്ഷണിച്ചു. വെള്ളക്കടലാസില്‍ തയ്യാറാക്കിയ അപേക്ഷ സുല്‍ത്താന്‍ ബത്തേരി ട്രൈബല്‍ ഡവലപ് മെന്റ് ഓഫിസിലോ താലൂക്കിലെ ട്രൈബല്‍ എക്സ്റ്റന്‍ഷന്‍ ഓഫിസുകളിലോ മീനങ്ങാടിയിലെ തയ്യല്‍ പരിശീലന കേന്ദ്രത്തിലോ മാര്‍ച്ച് 10നകം സമര്‍പ്പിക്കണം.  വിശദവിവരം ട്രൈബല്‍ ഡവലപ്‌മെന്റ് ഓഫിസിലും എക്സ്റ്റന്‍ഷന്‍ ഓഫിസുകളിലും ലഭിക്കും.