കൊല്ലം: ബൈപാസില്‍ നിര്‍ത്തിയിട്ടിരുന്ന കാറില്‍ അമിതവേഗത്തിലെത്തിയ കാറിടിച്ച് ഒരാള്‍ക്ക് പരിക്കേറ്റു. നിര്‍ത്തിയിട്ടിരുന്ന കാറിന്റെ ഡ്രൈവര്‍ അയത്തില്‍ സിജി ഭവനില്‍ സിജി (28)നാണ് പരിക്കേറ്റത്. ഇടിയുടെ ആഘാതത്തില്‍ മൂക്കിന്റെ പാലത്തിനും, സ്റ്റിയറിങിലിടിച്ച് നെഞ്ചിലും പരിക്കേറ്റ സിജിയെ ആശുപത്രിയില്‍ പ്രവേശിപ്പിച്ചു. രാവിലെ 11ഓടെ മങ്ങാട് മാര്‍ക്കറ്റിന് സമീപത്തായിരുന്നു അപകടം. അയ്യപ്പഭക്തര്‍ സഞ്ചരിച്ചിരുന്ന കാറാണ് അപകടത്തില്‍. ഇവര്‍ സഞ്ചരിച്ചിരുന്ന കാര്‍ അമിത വേഗത്തിലെത്തി നിര്‍ത്തിയിട്ടിരുന്ന കാറിനെ ഇടിച്ചു തെറിപ്പിക്കുകയായിരുന്നെന്ന് കിളികൊല്ലൂര്‍ പൊലിസ് പറഞ്ഞു. അപകടത്തില്‍ ഇരു കാറുകള്‍ക്കും കേടുപാടുകള്‍ സംഭവവിച്ചിട്ടുണ്ട്. കിളികൊല്ലൂര്‍ പൊലിസ് കേസെടുത്തു.