പഴയങ്ങാടി: ആവശ്യത്തിന് പണം ലഭ്യമാകാത്തതിനെ തുടര്‍ന്ന് പഴയങ്ങാടി സബ്ട്രഷറിയില്‍ പെന്‍ഷന്‍ വിതരണം മുടങ്ങി. പെന്‍ഷന്‍ വാങ്ങാന്‍ വന്നവര്‍ ഉച്ചവരെ കാത്തിരുന്നിട്ടും പകുതിയിലേറെ പേര്‍ക്കും പെന്‍ഷന്‍ ലഭിച്ചില്ല. ആവശ്യത്തിന് പണം ബാങ്കില്‍ നിന്ന് എത്തിക്കാത്തതിനാലാണ് പെന്‍ഷന്‍ വിതരണം മുടങ്ങിയത്. 50 ലക്ഷം രൂപയുണ്ടെങ്കില്‍  മാത്രമാണ് ഒന്നാം തിയതി ഇടപാടുകള്‍ സുതാര്യമായി നടത്താന്‍ പറ്റുകയുള്ളു. എന്നാല്‍ ഇന്നലെ രാവിലെ 10 ലക്ഷം രൂപയാണ് ട്രഷറിയില്‍ വിതരണതിന് എത്തിയത്. ഉച്ചയ്ക്കുശേഷം ആവശ്യത്തിന് പണം എത്തിയിരുന്നുവെങ്കിലും നെറ്റ് സംവിധാനം തകരാറിലായതോടെ ആ പ്രതീക്ഷയും നഷ്ടപ്പെട്ടു.