നീലേശ്വരം: ബസ് ജീവനക്കാരുടെ മോശമായ പെരുമാറ്റത്തിനെതിരേ ശക്തമായി പ്രതികരിച്ച പടന്നക്കാട് നെഹ്‌റു ആര്‍ട്‌സ് ആന്‍ഡ് സയന്‍സ് കോളജിലെ മൂന്നാം വര്‍ഷ ചരിത്ര വിഭാഗം ബിരുദ വിദ്യാര്‍ഥി കെ.വി അശ്വതിക്ക് എന്‍.സി.സി കോളജ് യൂനിറ്റിന്റെ നേതൃത്വത്തില്‍ ധീരതയ്ക്കുള്ള അവാര്‍ഡ് സമ്മാനിച്ചു. അനുമോദന യോഗം പ്രിന്‍സിപ്പാള്‍ ഡോ. പി.വി പുഷ്പജ ഉദ്ഘാടനം ചെയ്തു. കോളജ് മാനേജ്‌മെന്റ് കമ്മിറ്റി സെക്രട്ടറി കെ രാമനാഥന്‍ അവാര്‍ഡ് സമ്മാനിച്ചു. അസോസിയേറ്റ് എന്‍.സി.സി ഓഫിസര്‍ ലഫ്റ്റനന്റ് നന്ദകുമാര്‍ കോറോത്ത് അധ്യക്ഷനായി. സീനിയര്‍ അണ്ടര്‍ ഓഫിസര്‍ കെ പ്രണവ്, പി സുധീഷ്,  ഡോ.കെ നസീമ സംസാരിച്ചു.