കൊച്ചി: കോതമംഗലം പ്ള്ളി ഏറ്റെടുക്കാനുള്ള കോടതി വിധി നടപ്പാക്കാത്തതിനെതിരേ സര്‍ക്കാരിന് ഹൈക്കോടതിയുടെ രൂക്ഷ വിമര്‍ശനം. കോടതി ഉത്തരവ് പാലിക്കാത്ത നടപടി അംഗീകരിക്കാനാവില്ല. പള്ളി ഏറ്റെടുക്കാന്‍ എന്തെങ്കിലും ബുദ്ധിമുട്ടുണ്ടെങ്കില്‍ കോടതിയെ അറിയിക്കണം. ഈ മാസം 25ന് ജില്ലാ കലക്ടറോട് കോടതിയില്‍ നേരിട്ട് ഹാജരാകാനും ആവശ്യപ്പെട്ടിട്ടുണ്ട്.

വിധി നടപ്പാക്കുന്നത് എങ്ങനെയെയന്ന് അറിയിക്കണമെന്നും കോടതി ആവശ്യപ്പെട്ടു. നേരത്തേ വിധി നടപ്പാക്കാന്‍ ഒരുമാസത്തെ സമയം വേണമെന്ന് കലക്ടര്‍ കോടതിയില്‍ പറഞ്ഞിരുന്നു. എന്നാല്‍ രണ്ടാഴ്ചകള്‍ക്കുള്ളില്‍ പള്ളി ഏറ്റെടുക്കണമെന്ന് ഉത്തരവിടുകയായിരുന്നു. എന്നാല്‍ ഇതുമായി ബന്ധപ്പെട്ട് യാതൊരു നീക്കവുമുണ്ടാവാത്ത സാഹചര്യത്തിലാണ് കോടതി വിമര്‍ശനവുമായി രംഗത്തെത്തിയത്.