തിരുവനന്തപുരം: ഈ മാസം 23 മുതല്‍ ഇംഗ്ലണ്ട് ലയണ്‍സിനെതിരായ ഏകദിന മത്സരങ്ങള്‍ക്കായി ഇന്ത്യ എ ടീം ഇന്നെത്തും. കാര്യവട്ടം സ്‌പോര്‍ട്‌സ് ഹബ്ബില്‍ 23, 25, 27, 29, 31 തിയതികളിലായി അഞ്ച് ഏകദിന മത്സരങ്ങളാണ് നടക്കുക. ഇംഗ്ലണ്ട് ലയണ്‍സും ബോര്‍ഡ് പ്രസിഡന്റ്‌സ് ഇലവനുമായി നടക്കുന്ന രണ്ടാം സന്നാഹ മത്സരം ഇന്ന് തിരുവനന്തപുരം കെ.സി.എ സെന്റ് സേവ്യേഴ്‌സ് കോളജ് ഗ്രൗണ്ടില്‍ നടക്കും. വെള്ളിയാഴ്ച നടന്ന ഒന്നാം സന്നാഹ മത്സരത്തില്‍ ഇംഗ്ലണ്ട് ലയണ്‍സിനെതിരേ ബോര്‍ഡ് പ്രസിഡന്റ്‌സ് ഇലവന്‍ നാലു വിക്കറ്റ് വിജയം നേടിയിരുന്നു.

ഏകദിന മത്സരങ്ങള്‍ പൊതുജനങ്ങള്‍ക്ക് സൗജന്യമായി കാണാനാകുമെന്ന് കേരള ക്രിക്കറ്റ് അസോസിയേഷന്‍ അറിയിച്ചു. മത്സരങ്ങള്‍ രാവിലെ ഒന്‍പതിന് ആരംഭിക്കും.