മമ്പാട്: ചൈനയിലെ ലൊസാന്‍ നോര്‍മല്‍ യൂനിവേഴ്‌സിറ്റിയും മമ്പാട് എം.ഇ.എസ് കോളജും തമ്മില്‍ വിദ്യാഭ്യാസ ഗവേഷണ വിഷയങ്ങളില്‍ സഹകരിക്കുന്നതിനായുള്ള ധാരണാപത്രം ഒപ്പുവച്ചു. കോളജില്‍ നടന്ന ചടങ്ങില്‍ ലൊസാന്‍ നോര്‍മല്‍ യൂനിവേഴ്‌സിറ്റി പ്രസിഡന്റ് ഹുഡാനും മമ്പാട് എം.ഇ.എസ് കോളജ് പ്രിന്‍സിപ്പല്‍ ഡോ. പി.കെ ബാബുവും ചേര്‍ന്നാണ് ധാരണാപത്രം ഒപ്പുവച്ചത്.
ചൈനീസ് ടീച്ചിങ് ബേസിന്റെ ഉദ്ഘാടനം കടവനാട് മുഹമ്മദ്, പ്രൊഫ. ഒ.പി അബ്ദുറഹിമാനും ലൊസാന്‍ നോര്‍മല്‍ യൂനിവേഴ്‌സിറ്റി പ്രസിഡന്റ് ഹുഡാനും ചേര്‍ന്നു നിര്‍വഹിച്ചു. യൂണിവേഴ്‌സിറ്റിയുടെ വിവിധ വകുപ്പുകളെ പ്രതിനിതീകരിച്ച് ആറംഗ സംഘമാണ് കോളേജിലെത്തിയിരുന്നത്. പ്രിന്‍സിപ്പല്‍ ഡോ. പി.കെ ബാബു, ഇ.പി മോയിന്‍കുട്ടി, ഡോ. കെ.എസ് അനൂപ് ദാസ്, പ്രൊഫ. ഇസ്മാഈല്‍, സക്കറിയ സംസാരിച്ചു.