ആറ്റിങ്ങല്‍: ലഹരി വസ്തുക്കള്‍ യുവാക്കളില്‍ ചെലുത്തുന്ന സ്വാധിനത്തെക്കുറിച്ചും അവ വരുത്തിവയ്ക്കുന്ന വിനകളെക്കുറിച്ചും ഒരുകൂട്ടം യുവാക്കള്‍ ഒരുക്കിയ ലഘു ചിത്രം ശ്രദ്ധേയമായി.
'ടൈ ഓവര്‍' എന്ന പേരിലുള്ള ഈ ലഘു ചിത്രത്തിന്റെ യുടൂബ് റിലീസും പ്രദര്‍ശന ഉദ്ഘാടനവും ഡെപ്യൂട്ടി സ്പീക്കര്‍ വി.ശശി നിര്‍വഹിച്ചു. തിരുവനന്തപുരം പ്രസ് ക്ലബില്‍ നടന്ന ചടങ്ങില്‍ സംവിധായകന്‍ ഫൈസല്‍ ഹുസെന്‍, കവി വിജയന്‍ പാലാഴി, പാച്ചിറ സലാഹുദ്ദീന്‍, ചത്രത്തിലെ പ്രധാന നടന്‍ രാഹുല്‍ രഘുനാഥ് എന്നിവര്‍ സംസാരിച്ചു. കഥയും തിരക്കഥയും സംവിധാനവും ഫൈസല്‍ ഹുസൈനാണ്. രഘുനാഥന്‍, ഷീബ രഘുനാഥന്‍ എന്നിവരാണ് ചിത്രത്തിന്റെ നിര്‍മാതാക്കള്‍. രാഹുല്‍ രഘുനാഥ്, മായാ സുകു, ഹരിദാസ്, വിജയന്‍ പാലാഴി, കുട്ടികളായ മിലന്‍ തോമസ്, തബല് ബിനു, ദേവനന്ദന എന്നിവരാണ് പ്രധാന അഭിനേതാക്കള്‍. ചിത്രം യൂടൂബില്‍ വന്ന ദിവസം തന്നെ ആയിരത്തോളം പേരാണ് ഇത് കണ്ടത്. ചിത്രത്തിലെ അണിയറ പ്രവര്‍ത്തകര്‍ക്കും അഭിനേതാക്കള്‍ക്കും യോഗത്തില്‍ സ്വീകരണം നല്‍കി.