അഗളി : റിപ്പബ്ലിക് ദിനത്തില്‍ അട്ടപ്പാടി ഗൂളിക്കടവില്‍ നടക്കുന്ന പാലക്കാട് ജില്ലാ മനുഷ്യ ജാലികയുടെ പ്രചരണാര്‍ത്ഥം പാണക്കാട് സയ്യിദ് സാബിഖലി ശിഹാബ് തങ്ങളുടെ നേതൃത്വത്തില്‍ രണ്ട് ദിവസങ്ങളിലായി നടന്ന് വന്ന സൗഹൃദ യാത്രക്ക് ആനക്കട്ടിയില്‍ ഉജ്ജ്വല സമാപനം. രണ്ടാം ദിവസമായ ഇന്നലെ സമസ്ത കേരള ജംഇയ്യത്തുല്‍ ഉലമയുടെ മുന്‍ പ്രസിഡന്റ് ശൈഖുനാ മര്‍ഹൂം എ പി മുഹമ്മദ് മുസ്ലിയരുടെ മഖ്ബറ സിയാറത്തോടെ യാത്രക്ക് തുടക്കമായി.
സിയാറത്തിന് കെ സി അബൂബക്കര്‍ ദാരിമി നേതൃത്വം നല്‍കി. അബ്ദു റഹിമാന്‍ ദാരിമി,എ പി റഹീം ഫൈസി,എ പി ജലീല്‍ ഫൈസി തുടങ്ങിയവര്‍ സംബന്ധിച്ചു. മണ്ണാര്‍ക്കാട് പുഞ്ചക്കോട്ടു നടന്ന രണ്ടാം ദിവസ ത്തെ ഉത്ഘാടന സമ്മേളനം സിദ്ധീഖ് മുസ്ലിയാരുടെ അദ്ധ്യക്ഷതയില്‍ സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ അംഗം സയ്യിദ് കെ പി സി തങ്ങള്‍ വല്ലപ്പുഴ ഉദ്ഘാടനം ചെയ്തു.മുനീര്‍ ഹുദവി വിളയില്‍ മുഖ്യ പ്രഭാഷണം നിര്‍വഹിച്ചു.
ജി എം സ്വലാഹുദ്ധീന്‍ ഫൈസി പ്രമേയ പ്രഭാഷണം നടത്തി. സയ്യിദ് അബ്ദുറഹിമാന്‍ ജിഫ്രി തങ്ങള്‍ വല്ലപ്പുഴ, ഉമറുല്‍ ഫാറൂഖ് തങ്ങള്‍, 'ഹബീബ് ഫൈസി കോട്ടോപ്പാടം, അന്‍വര്‍ സാദിഖ് ഫൈസി, മിര്‍ഷാദ് യമാനി ചാലിയം, അബദുല്‍ വാഹിദ് ഫൈസി ,സൈനുദ്ധീന്‍ ഫൈസി, ഷരീഫ് ഹാജി പഴേരി , സലാം മാസ്റ്റര്‍ , അബ്ദുള്ള ഹാജി വാഴമ്പുറം, അബ്ദുഹാജി മുണ്ടേക്കരാട് ,മുഹദാലി മാസ്റ്റര്‍ ,തുടങ്ങിയവര്‍ സംബന്ധിച്ചു.
ആന മൂളിയില്‍ പെച്ച് ആദിവാസി മൂപ്പന്‍ ജാഥാ നായകനെ ഹാരാര്‍പ്പണം നടത്തി. തുടര്‍ന്ന് നൂറ് കണക്കിന് വാഹനങ്ങളുടെ അകമ്പടിയോടെ പ്രകൃതി മനോഹരിതമായ അട്ടപ്പാടി ചുരപ്പാത ണ്ടിപ്രയാണം തുടര്‍ന്ന യാത്രക്ക് മുക്കാലിയില്‍ നല്‍കിയ സ്വീകരണത്തില്‍ ക്ഷേത്ര കമ്മിറ്റി ഭാരവാഹികള്‍ ഹാരാര്‍പ്പണം നടത്തി. കക്കുപ്പടിയില്‍ നടന്ന സ്വീകരണത്തില്‍ ശിവക്ഷേത്ര പ്രസിഡന്റ് ചിന്നക്കണ്ണന്‍ സാബിഖലി തങ്ങളെ ശാളണിയിച്ച് സ്വീകരിച്ചു.
തുടര്‍ന്ന് കല്‍ക്കണ്ടി,ഒമ്മല,താവളം,അഗളി,കോട്ടത്തറ എന്നിവിടങ്ങളിലെ സ്വീകരണത്തിന് ശേഷം വൈകീട്ട് 6:30ന് ആനക്കട്ടിയില്‍ സമാപിച്ചു.വിവിധ സ്വീകരണ കേന്ദ്രങ്ങളില്‍ ഖാദര്‍ ഫൈസി തലക്കശ്ശേരി, കബീര്‍ അന്‍വരി നാട്ടുകല്‍, ആരിഫ് ഫൈസി, ശമീര്‍ ഫസി കോട്ടോപ്പാടം സംസാരിച്ചു. സയ്യിദ് ഹുസൈന്‍ തങ്ങള്‍ കൊടക്കാട്, ടി.കെ.സുബൈര്‍ മൗലവി, റഹീം ഫൈസി അക്കിപ്പാടം, സുലൈമാന്‍ ദാരിമി, നിസാബുദ്ധീന്‍ ഫൈസി, അസ്‌കര്‍ മാസ്റ്റര്‍ കരിമ്പ, ഉബൈദ് മാസ്റ്റര്‍,ബാപ്പുട്ടി ഹാജി, വി.കെ അബൂബക്കര്‍, മുത്തലിബ് അഗളി സംബന്ധിച്ചു.