കണ്ണൂര്‍: വിജ്ഞാനത്തിലൂടെ സാമൂഹ്യ പ്രതിബദ്ധതയുള്ളവരാവുകയെന്ന സന്ദേശമുയര്‍ത്തിയ ക്യൂ ഫോര്‍ ടുമാറോയില്‍ 500 വാഫി വിദ്യാര്‍ഥികള്‍ അണിനിരന്നു. പരസ്പരം കൈകോര്‍ത്തുള്ള ശുഭ്രവസ്ത്രധാരികളായ പണ്ഡിത വിദ്യാര്‍ഥികളുടെ നില്‍പ്പ് ഭാവിപ്രതീക്ഷ അടയാളപ്പെടുത്തുന്നതായിരുന്നു. പുതിയ കാലത്തെ വെല്ലുവിളികള്‍ ഏറ്റെടുത്ത് പ്രബോധനവീഥിയില്‍ സജീവമാവാന്‍ വിദ്യാര്‍ഥികള്‍ ദൈവികകരാര്‍ പൂര്‍ത്തീകരണത്തിന്റെ വിശുദ്ധവാക്യങ്ങളുരുവിട്ട് പ്രതിജ്ഞയെടുത്തു. സി.ഐ.സി കോഡിനേറ്റര്‍ അബ്ദുല്‍ഹക്കീം ഫൈസി ആദൃശ്ശേരി വിദ്യാര്‍ഥികളെ അഭിസംബോധന ചെയ്തു.