പയ്യന്നൂര്‍: ടി.ഗോവിന്ദന്‍ ട്രോഫിക്കായുള്ള ആള്‍ ഇന്ത്യാ ഇന്‍വിറ്റേഷന്‍ വോളി വനിതാ വിഭാഗത്തില്‍ കേരളാ പൊലിസിനു ജയം. സായി തലശ്ശേരിയെ രണ്ടിനെതിരേ മൂന്നു സെറ്റുകള്‍ക്കാണു പൊലിസ് പരാജയപ്പെടുത്തിയത്. 25 14 ന് ആദ്യ സെറ്റ് അനായാസമായി പോലിസ് നേടി. രണ്ടാം സെറ്റും മൂന്നാം സെറ്റും സായി തലശേരി നേടി.
 നാലാം സെറ്റിലും വിജയം നേടാമെന്ന സായിയുടെ പ്രതീക്ഷകളെ അപ്പാടെ തകര്‍ത്താണ് പൊലിസ് ഉജജ്വല തിരിച്ചു വരവ് നടത്തിയത്. .
     ഇതോടെ വനിതാ വിഭാഗത്തില്‍ കേരളാ പൊലിസും കെ.എസ്.ഇ.ബിയും രണ്ടു വീതം വിജയം നേടി ഫൈനല്‍ സാധ്യത നിലനിര്‍ത്തി. സായിയും വെസ്റ്റേണ്‍ റെയില്‍വേയും രണ്ടു തവണ പരാജിതരായി. ഇന്ന് കേരളാ പൊലിസും കെ.എസ്.ഇ.ബിയും ഏറ്റുമുട്ടും. സായി തലശ്ശേരിയും വെസ്റ്റേണ്‍ റെയില്‍വേയും നാളെ ഏറ്റുമുട്ടും.
    ഇന്നലെ നടന്ന രണ്ടാമത്തെ മത്സരത്തില്‍  പുരുഷ വിഭാഗത്തില്‍  ഒ.എന്‍.ജി.സി   ഇന്ത്യന്‍ നേവിയെ ഏക പക്ഷീയമായ മൂന്നു സെറ്റുകള്‍ക്കു പരാജയപ്പെടുത്തി. ഇന്നു പുരുഷ വിഭാഗത്തില്‍ ഒ.എന്‍.ജി.സി ഇന്ത്യന്‍ റെയില്‍വേയും ഇന്ത്യന്‍ ആര്‍മി എസ്.ആര്‍.എം ചെന്നൈയെയും നേരിടും.
പുരുഷ വിഭാഗത്തില്‍ സെമി ഫൈനല്‍ മത്സരങ്ങള്‍ നാളെ നടക്കും.