ബെയ്ജിങ്: കൊറോണ മരണം നിയന്ത്രണാതീതമായി തുടരുന്നതിനിടെ വളര്‍ത്തുമൃഗങ്ങളെയും മുഖംമൂടി ധരിപ്പിച്ച് ചൈനക്കാര്‍. രാജ്യത്തെ സാമൂഹ്യമാധ്യമ ആപ്പായ വിബോയിലാണ് ഇങ്ങനെ മുഖംമൂടിയണിഞ്ഞ പൂച്ചകളും പട്ടികളുമെല്ലാം പ്രത്യക്ഷപ്പെട്ടിട്ടുള്ളത്. പലരും സാധാരണ സര്‍ജറിക്കുപയോഗിക്കുന്ന മാസ്‌കുകളാണ് അരുമകളെ അണിയിച്ചിരിക്കുന്നത്.
മുഖംമൂടിക്കുള്ളില്‍ കണ്ണു കാണാന്‍ ചെറിയ ദ്വാരമിടുകയാണ് ഉടമകള്‍ ചെയ്തത്. കൊറോണ പൂച്ചകളെയും പട്ടികളെയും ബാധിക്കുമെന്ന് ദേശീയ ആരോഗ്യ കമ്മിഷന്‍ മുന്നറിയിപ്പ് നല്‍കിയതോടെയാണിത്.
അതേസമയം കോവിഡ്-19 നായകള്‍ക്കും പൂച്ചകള്‍ക്കും ബാധിക്കുമെന്നതിന് തെളിവില്ലെന്നാണ് ലോകാരോഗ്യ സംഘടന പറയുന്നത്.