ദമാം: കിഴക്കൻ സഊദിയിലെ ദമാമിന് സമീപം ഖത്തീഫിൽ മരണപെട്ട കണ്ണൂര്‍ ചമ്പാട്  വടക്കേ ചാലില്‍ വീട്ടില്‍ രാഘവന്‍റെയും യശോദയുടെയും മകന്‍ രമേശന്‍റെ  (52) മൃതദേഹം ജന്മ നാടായ ചമ്പാട് സംസ്കരിച്ചു. നവോദയ സാംസ്കാരിക വേദി അംഗമായിരുന്ന  രമേശൻ ഫെബ്രുവരി ഏഴിന് ഖത്തീഫ് സെന്‍ട്രല്‍ ഹോസ്പിറ്റലില്‍ വെച്ചാണ് മരണപ്പെട്ടത്. ഇരുപത് വര്‍ഷമായി സഊദിയിലുള്ള ഇദ്ദേഹം രണ്ടര വര്‍ഷമായി ഖതീഫിലെ ഡിട്ടര്‍ജന്‍റ് നിര്‍മ്മാണ വിതരണ കമ്പനിയായ അബൂ താജില്‍ സീനിയര്‍ സെയില്‍സ്മാനായി ജോലി ചെയ്തു വരികയായിരുന്നു.