നാപ്പിയര്‍: ആസ്‌ത്രേലിയയിലെ ചരിത്ര നേട്ടത്തിന് പിന്നാലെ ന്യൂസിലന്‍ഡുമായി ഇന്ത്യ ഇന്ന് കൊമ്പുകോര്‍ക്കും. ന്യൂസിലന്‍ഡിനെതിരേയുള്ള ഇന്ത്യയുടെ ഏകദിന ക്രിക്കറ്റ് പരമ്പരയ്ക്കാണ് ഇന്ന് തുടക്കമാകുന്നത്. അഞ്ചു മത്സരങ്ങളാണ് പരമ്പരയിലുള്ളത്. മത്സരം രാവിലെ 7.30ന് തുടങ്ങും.
ആസ്‌ത്രേലിയക്കെതിരേയുള്ള ടെസ്റ്റ്, ഏകദിന പരമ്പരകള്‍ സ്വന്തമാക്കിയത് ഇന്ത്യയുടെ ആത്മവിശ്വാസം വാനോളമുയര്‍ത്തിയിട്ടുണ്ടണ്ട്. ഏകദിന റാങ്കിങില്‍ രണ്ടണ്ടാംസ്ഥാനത്തു നില്‍ക്കുന്ന ഇന്ത്യ മികച്ച ഫോമിലാണ്. രോഹിത് ശര്‍മ, ശിഖര്‍ ധവാന്‍, വിരാട് കോഹ്‌ലി എന്നിവരടങ്ങുന്ന ശക്തമായ ബാറ്റിങ് നിരയും ഭുവനേശ്വര്‍ കുമാര്‍, മുഹമ്മദ് ഷമി, കുല്‍ദീപ് യാദവ്, യുസ്‌വേന്ദ്ര ചഹല്‍ എന്നിവരുള്‍പ്പെടുന്ന മികച്ച ബൗളിങ് നിരയും ഇന്ത്യക്ക് പ്രതീക്ഷ നല്‍കുന്നുണ്ട്. ഓസീസിനെതിരായ പരമ്പരയിലെ മൂന്നു മത്സരങ്ങളിലും അര്‍ധ സെഞ്ചുറി നേടിയ മുന്‍ നായകന്‍ എം.എസ് ധോണി ഫോമിലേക്കുയര്‍ന്നത് ഇന്ത്യയുടെ ആത്മവിശ്വാസവും കരുത്തും ഉയര്‍ത്തിയിട്ടുണ്ട്.
ഇന്ത്യ മികച്ച നിലയിലാണെങ്കിലും ന്യൂസിലന്‍ഡ് വെല്ലുവിളി ഉയര്‍ത്തുന്ന ടീമാണ്. പാക്കിസ്താനതെരേയും ശ്രീലങ്കക്കെതിരേയുമുള്ള ഏകദന പരമ്പര സ്വന്തമാക്കിയ ആത്മവിശ്വാസം ന്യൂസിലന്‍ഡിനുമുണ്ട്. കെയ്ന്‍ വില്ല്യംസണെന്ന തന്ത്രശാലിയായ ക്യാപ്റ്റനും ഇന്ത്യയുടെ ഉറക്കം കെടുത്തും. ബാറ്റിങില്‍ വില്ല്യംസണിനൊപ്പം മാര്‍ട്ടിന്‍ ഗുപ്റ്റില്‍, റോസ് ടെയ്‌ലര്‍, കോളിന്‍ മണ്‍റോ, ഹെന്റി നിക്കോള്‍സ് എന്നിവരും ബൗളിങില്‍ ട്രെന്റ് ബോള്‍ട്ട്, ടിം സോത്തി എന്നിവരും ഇന്ത്യക്കു വെല്ലുവിളിയാവും.
ന്യൂസിലന്‍ഡ്: കെയ്ന്‍ വില്യംസണ്‍ (ക്യാപ്റ്റന്‍), ടോം ലാഥം, മാര്‍ട്ടിന്‍ ഗുപ്റ്റില്‍, കോളിന്‍ മണ്‍റോ, റോസ് ടെയ്‌ലര്‍, കോളിന്‍ ഡി ഗ്രാന്‍ഡ്‌ഹോം, മിച്ചല്‍ സാന്റ്‌നര്‍, ടിം സൗത്തി, ഇഷ് സോധി, ടെന്റ് ബോള്‍ട്ട്, ലോക്കി ഫെര്‍ഗൂസന്‍, ഹെന്റി നിക്കോള്‍സ്,
ഇന്ത്യ: വിരാട് കോഹ്‌ലി (ക്യാപ്റ്റന്‍), എം.സ് ധോനി, രോഹിത് ശര്‍മ, ശിഖര്‍ ധവാന്‍, കേദാര്‍ യാദവ്, ദിനേഷ് കാര്‍ത്തിക്, വിജയ് ശങ്കര്‍, ജഡേജ, ഭുവനേശ്വര്‍ കുമാര്‍, മുഹമ്മദ് ഷമി, യുസ്‌വേന്ദ്ര ചഹല്‍, അമ്പാട്ടി റായുഡു, കുല്‍ദീപ് യാദവ്, ഖലീല്‍ അഹമ്മദ്.