മടിക്കേരി: സി.പി.എം കേരളാ ഘകത്തിനെതിരേ കുടകിലെ സംഘപരിവാര്‍ സംഘടനകള്‍ മടിക്കേരിയില്‍ പ്രതിഷേധ പ്രകടനവും കലക്ടറേറ്റിനു മുന്നില്‍ കുത്തിയിരിപ്പു സമരവും നടത്തി. കേരളത്തില്‍ സി.പി.എം പ്രവര്‍ത്തകര്‍ ആര്‍.എസ്.എസ്, ബി.ജെ.പി പ്രവര്‍ത്തകര്‍ക്കു നേരെ നടത്തുന്ന അക്രമത്തിലും കൊലവിളിയിലും പ്രതിഷേധിച്ചാണ് കലക്ടറേറ്റിനു മുന്നില്‍ സിറ്റിസണ്‍ ഫോര്‍ ഡെമോക്രാറ്റിക്ക് സംഘത്തിന്റെ പേരില്‍ പ്രതിഷേധിച്ചത്. സി.പി.എമ്മിനെതിരെതയാറാക്കിയ നിവേദനം കലക്ടര്‍ക്ക് കൈമാറി. എം.എല്‍.എ കെ.ജി ബൊപ്പയ്യ, ബി.ജെ.പി ജില്ലാ അധ്യക്ഷന്‍ മനു മുത്തപ്പ, വിശ്വഹിന്ദു പരിഷത്ത്, ആര്‍.എസ്.എസ് നേതാക്കള്‍ പങ്കെടുത്തു.