പാലക്കാട്: സി.പി.എം - ബി.ജെ.പി പ്രവര്‍ത്തകര്‍ തമ്മില്‍ ഏറ്റുമുട്ടി സമാധാന അന്തരീക്ഷം തകര്‍ക്കുകയും അതിനോടനുബന്ധിച്ച് മാധ്യമ പ്രവര്‍ത്തകരെ കയ്യേറ്റം ചെയ്യുകയും ഭീഷണിപ്പെടുത്തുകയും ചെയ്ത സംഭവത്തിനെതിരെ നെല്ലായയില്‍ ജില്ലാ കോണ്‍ഗ്രസ് കമ്മിറ്റി 'സമാധാന സദസ്' സംഘടിപ്പിക്കും.
        ഇന്ന് കാലത്ത് 10 മണിക്ക് നെല്ലായ സെന്ററില്‍ നടക്കുന്ന സമാധാന സദസ്സ് കെ.പി.സി.സി പ്രസിഡന്റ് വി. എം സുധീരന്‍ ഉദ്ഘാടനം ചെയ്യും. ജില്ലയിലെ യു.ഡി.എഫ് നേതാക്കന്മാരും ചടങ്ങില്‍ പങ്കെടുക്കുമെന്ന് ഡി. സി.സി പ്രസിഡന്റ് സി.വി ബാലചന്ദ്രന്‍ അറിയിച്ചു.