ബെയ്ജിങ്: ചൈനയില്‍ കമ്മ്യൂണിസ്റ്റ് സര്‍ക്കാര്‍ അധികാരത്തിലേറിയ ശേഷം നേരിടുന്ന ഏറ്റവും വലിയ ആരോഗ്യ പ്രതിസന്ധിയാണ് കൊറോണ വൈറസ് എന്ന് പ്രസിഡന്റ് ഷി ജിന്‍പിങ്. വൈറസിനെ പ്രതിരോധിക്കുന്നതില്‍ വീഴ്ച പറ്റി. വീഴ്ചകളില്‍ നിന്നും പഠിക്കേണ്ടതുണ്ടെന്നും ഷി ജിന്‍പിങ് പറഞ്ഞു.

വളരെ വേഗമാണ് വൈറസ് പടര്‍ന്ന് പിടിക്കുന്നത്. വ്യാപ്തിയേറിയ ബാധയാണ്. ഒപ്പം തടയാനും നിയന്ത്രിക്കാനും ഏറ്റവും ബുദ്ധിമുട്ടുകയും ചെയ്യുന്നു. 

 ഷിയുടെ തുറന്നു പറച്ചില്‍ അപൂര്‍വ്വങ്ങളില്‍ അപൂര്‍വ്വമാണെന്നാണ് രാഷ്ട്രീയ നിരീക്ഷകര്‍ വിലയിരുത്തുന്നത്. നിയന്ത്രണാതീതമായ രീതിയല്‍ കൊറോണ പടര്‍ന്ന സാഹചര്യത്തില്‍ ലോകത്തിന്റെ ആശങ്ക മുഴുവന്‍ ചൈനയിലേക്ക് തിരിഞ്ഞിരുന്നു.

ചൈനയില്‍ കൊറോണ പിടിപെടുന്നു എന്ന് ആദ്യം സൂചന നല്‍കിയ ഡോക്ടറെ ചൈനീസ് പൊലീസ് ആദ്യം അറസ്റ്റ് ചെയ്തിരുന്നു.

 കര്‍ക്കശമായ മാധ്യമ, സാമൂഹിക മാധ്യമ നിയന്ത്രണത്തിലൂടെ ചൈനയുടെ ഖ്യാതികള്‍ മാത്രം മുഖ്യധാരയിലെത്തിക്കാനുള്ള ചൈനീസ് സര്‍ക്കാരിന്റെ ശ്രമങ്ങള്‍ക്ക് കൊറോണ തിരിച്ചടിയായതാണ് ഇതിനു കാരണമെന്ന വിമര്‍ശനവും ഉയരുന്നുണ്ട്.