കുന്ദമംഗലം: പിടിച്ചുപറി കേസിലെ പ്രതി പൊലിസ് കസ്റ്റഡിയില്‍ കൈ മുറിച്ച് ആത്മഹത്യക്ക് ശ്രമിച്ചു. പെരിങ്ങൊളം പുല്‍പ്പറമ്പില്‍ ജിഷ്ണു (20) വാണ് ഇന്നലെ രാവിലെ കുന്ദമംഗലം പൊലിസ് സ്റ്റേഷനില്‍ കസ്റ്റഡിയില്‍ കഴിയവേ കൈയുടെ ഞരമ്പ്മുറിച്ചത്. പരിക്കുകളോടെ ആശുപത്രിയില്‍ പ്രവേശിപ്പിച്ചു. പ്രാഥമിക ചികിത്സക്കുശേഷം പ്രതിയെ കുന്ദമംഗലംഫസ്റ്റ് ക്ലാസ് ജുഡീഷ്യല്‍ മജിസ്‌ട്രേറ്റ് കോടതിയില്‍ ഹാജരാക്കി.
പ്രതിയെ കോടതി റിമാന്റ് ചെയ്തു. പിടിച്ചുപറി കേസിലെ പ്രതിയായ ജിഷ്ണു പോലീസിനെ വെട്ടിച്ച് വിദേശത്തേക്ക് കടന്നിരുന്നു. ഇതേ തുടര്‍ന്ന് പ്രതിയെ പിടികൂടാനായി പൊലിസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. കഴിഞ്ഞ ദിവസം രാത്രി വിദേശത്ത് നിന്നു കരിപ്പൂര്‍ എയര്‍പോര്‍ട്ടില്‍ എത്തിയപ്പോഴായിരന്നു അറസ്റ്റ്.