ഷൊര്‍ണ്ണൂര്‍: ഒറ്റപ്പാലം കോടതി വളപ്പില്‍ മാധ്യമപ്രവര്‍ത്തകരെ മര്‍ദിച്ച സംഭവത്തില്‍ രണ്ട് ആര്‍.എസ്.എസ് പ്രവര്‍ത്തകര്‍ പൊലിസില്‍ കീഴടങ്ങി. ഷൊര്‍ണ്ണൂര്‍ പൊലിസ് സ്റ്റേഷനിലെത്തിയാണ് കീഴടങ്ങിയത്.

തിരുവനന്തപുരം വട്ടിയൂര്‍ക്കാവ് സ്വദേശി വിഷ്ണു, വാടാനക്കുറിശ്ശി സ്വദേശി സുമേഷ് എന്നിവരാണ് കീഴടങ്ങിയത്.

കേസില്‍ മറ്റു രണ്ടു പ്രതികള്‍ കൂടിയുണ്ടെങ്കിലും ഇവര്‍ മര്‍ദനത്തില്‍ നേരിട്ട് ഇടപെട്ടിട്ടില്ല. കീഴടങ്ങിയ പ്രതികളെ ഇന്നുതന്നെ കോടതിയില്‍ ഹാജരാക്കും.