കോഴിക്കോട് : എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ആഭിമുഖ്യത്തില്‍ മാര്‍ച്ച് 10 ,11 ,12 തിയതികളില്‍ പട്ടിക്കാട് എം.ഇ.എ എന്‍ജിനീയറിങ് കോളജില്‍ നടക്കുന്ന നാഷനല്‍ കാംപസ് കാള്‍ വിജയിപ്പിക്കാന്‍ പ്രവര്‍ത്തകര്‍ രംഗത്തിറങ്ങണമെന്ന് പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ അഭ്യര്‍ഥിച്ചു. പുതുതലമുറക്ക് ധാര്‍മികതയുടെ കര്‍മതലങ്ങള്‍ രൂപപ്പെടുത്തുന്നതിനും വര്‍ത്തമാന സമൂഹത്തില്‍ മുസ്‌ലിം വിദ്യാര്‍ഥിയുടെ ഇടം നിര്‍ണയിക്കുന്നതിനുമുള്‍പ്പെടെ പണ്ഡിതരും അക്കാദമിക് രംഗത്തെ വിദഗ്ധരും നേതൃത്വം നല്‍കുന്ന വിധത്തിലാണ് കാംപസ് കാള്‍ ഒരുക്കിയിരിക്കുന്നത്. കാംപസ് വിദ്യാര്‍ഥികളുടെ ദേശീയ തല സംഗമത്തില്‍ ബന്ധപ്പെട്ടവര്‍ സംബന്ധിക്കണമെന്നും തങ്ങള്‍ അഭ്യര്‍ഥിച്ചു.