തൃശൂര്‍: ചലച്ചിത്രതാരം കലാഭവന്‍ മണിയുടെ ദുരൂഹമരണത്തിന്റെ അന്വേഷണത്തില്‍ പൊലിസ് നിഷ്‌ക്രിയത്വം കാണിക്കുകയാണെന്നാരോപിച്ചും മരണകാരണം വെളിപ്പെടുത്താത്തതില്‍ പ്രതിഷേധിച്ചും മണിയുടെ കുടുംബം നിരാഹാര സമരം ആരംഭിച്ചു. ഇന്നലെ രാവിലെ അരംഭിച്ച സമരം തിങ്കളാഴ്ച സമാപിക്കും. സഹോദരന്‍ ആര്‍.എല്‍.വി രാമകൃഷ്ണന്റെ നേതൃത്വത്തിലാണ് കുടുംബാഗംങ്ങളും മണിയെ സ്‌നേഹിക്കുന്നവരും സമരം നടത്തുന്നത്.