വാരണാസി:  ഉത്തര്‍പ്രദേശില്‍ ഏഴാംഘട്ട തെരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്ര മോദി നടത്തിയ റോഡ് ഷോയെ രൂക്ഷമായി പരിഹസിച്ച് ബി.എസ്.പി നേതാവ് മായാവതി. മാധ്യമങ്ങള്‍ക്ക് മുന്നില്‍ തിളങ്ങി നില്‍ക്കുന്നതിനാല്‍ റാലിയിലും റോഡ് ഷോയിലുമെല്ലാം വലിയ ആള്‍ക്കൂട്ടങ്ങള്‍ കണ്ടേക്കാം. എന്നാല്‍ ഇതെല്ലാം ബി.ജെ.പിയ്ക്കു കിട്ടുമെന്ന പ്രതീക്ഷ വേണ്ടെന്നും റാലിയ്ക്കും റോഡ് ഷോയ്ക്കും കാഴ്ചക്കാരായാണ് ജനങ്ങള്‍ എത്തുന്നതെന്നും മായാവതി പറഞ്ഞു.
വാരണാസിയില്‍ പാര്‍ട്ടി പ്രചാരണ പരിപാടിയില്‍ സംസാരിക്കുകയായിരുന്നു അവര്‍.
യു.പിയിലെ ഭൂരിപക്ഷം ജനങ്ങളും ബി.എസ്.പിക്കൊപ്പമാണ്. പൊള്ളയായ വാഗ്ദാനങ്ങള്‍ നല്‍കി ജനങ്ങളെ വഞ്ചിക്കുകയാണ് പ്രധാനമന്ത്രി ചെയ്യുന്നതെന്നും മായാവതി ആരോപിച്ചു.